| e-texts navigator |
| Wylie |
335a1 ཡིན་ཐ་དད་མིན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། རྫོགས་པ་ཆེན་པོའི་ལྟ་བའི་གནད་བསྟན་པའི་ལེའུ་སྟེ་སུམ་ཅུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག
335a2 པོ་ལགས།། ཆོས་རྣམས་ཐིག་ལེ་དྲུག་བརྒྱད་བྱུང་འདུས་ན།། ཐིག་ལེའི་དོན་ནི་གང་དུ་སྐྱེལ།། གསང་བའི་བདག་པོས་བསྟན་དུ་གསོལ།། གསུངས་པ། སེམས་དཔའ་ཆེན་པོ་ཉོན་ཅིག། སྤྲོས་མེད་ཆོས་ཀྱི་ཐིག་ལེ
335a3 ནི།། བྱས་པ་མེད་པའི་བྱང་ཆུབ་སེམས།། རང་བཞིན་གནས་པའི་ཐིག་ལེར་བསྡུ།། སྤྲོས་མེད་དབྱིངས་ཉིད་གཉིས་མེད་པ།། འབྱེད་པ་མེད་པའི་ཐིག་ལེ་བསྡུ།། སྤྲོས་མེད་རྣམ་དག་བྱང་ཆུབ་སེམས།། གཉིས་སུ་མེད
335a4 པའི་ཐིག་ལེར་བསྡུ།། སྤྲོས་པ་མེད་པའི་བྱང་ཆུབ་སེམས།། སྤྲོས་མེད་ཡེ་ཤེས་ཐིག་ལེར་བསྡུ།། སྒྲིབ་པ་མེད་པའི་བྱང་ཆུབ་སེམས།། འགག་པ་མེད་པའི་ཐིག་ལེར་བསྡུ།། སྤྲོས་མེད་ཀུན་བཟང་བྱང་ཆུབ
335a5 སེམས།། བླང་དོར་མེད་པའི་ཐིག་ལེར་བསྡུ།། མཉམ་པ་ཉིད་ཀྱི་བྱང་ཆུབ་སེམས།། སྤྲོས་མེད་ལྷུན་གྲུབ་ཐིག་ལེར་བསྡུ།། རྩོལ་བསྒྲུབ་འདས་པའི་བྱང་ཆུབ་སེམས།། གཡོ་བ་མེད་པའི་ཐིག་ལེར་བསྡུ།། ཐིག་ལེ་དྲུག
335a6 གི་དོན་བསྡུས་པ།། མ་བཅོས་སེམས་ཀྱི་ཐིག་ལེར་བསྡུ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། བྱང་ཆུབ་སེམས་ཀྱི་དོན་རྣམ་པར་འགྲེལ་ཞིང་བསྡུས་པའི་ལེའུ་སྟེ་སོ་གཅིག་པའོ།། །། ཡང
iiif viewer powered by OpenSeadragon
