| e-texts navigator |
| Wylie |
334a1 འདུས།། ཞེས་སོ།། ཡང་གསོལ་པ། དུས་གསུམ་སངས་རྒྱས་དགོངས་པ་ནི།། ནམ་མཁའ་ལྟ་བུར་གསུངས་པ་དེ།། དེ་དོན་བདག་ལ་བསྟན་དུ་གསོལ།། གསང་བའི་བདག་པོས་གསུངས་པ། ཉོན
334a2 ཅིག། ཅི་ལྟར་སྣང་བའི་ཆོས་རྣམས་ཀུན།། བྱང་ཆུབ་སེམས་ཀྱི་སྣང་བ་སྟེ།། དེ་ལ་ལྟ་བའི་ཡུལ་མ་མཆིས།། མི་རྟོག་པས་ན་མཉམ་པ་ཉིད།། དེ་བཞིན་ནམ་མཁའི་དགོངས་པར་བཤད།། དབང་པོའི་ངོ་ལ་གང་སྣང
334a3 བ།། གང་སྣང་དེ་ལ་མི་རྟོགས་ན།། དེ་བཞིན་ནམ་མཁའི་དགོངས་པར་བཤད།། ཚིག་དང་ཡི་གེའི་དོན་རྟོགས་ན།། ཚིག་དང་ཡི་གེའི་དོན་ལ་གནས་མེད་པ།། དེ་བཞིན་ནམ་མཁའི་དགོངས་པར་བཤད།། བསམ་དུ
334a4 མེད་པའི་ཆོས་ཉིད་ནི།། ཀུན་ལ་ཁྱབ་པའི་བདག་ཉིད་དུ།། ནམ་མཁའ་བཞིན་དུ་ཡེ་གནས་པ།། དེ་བཞིན་ནམ་མཁའི་དགོངས་པར་བཤད།། ཅི་བཞིན་པ་ཡི་ཆོས་ཉིད་ལ།། མ་བཅོས་པ་ཡི་བློ་བཞག་སྟེ།། མི་གཡོ
334a5 མཉམ་པའི་སེམས་གནས་པ།། དེ་བཞིན་ནམ་མཁའི་དགོངས་པར་བཤད།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། བྱང་ཆུབ་སེམས་ཀྱི་ཆོས་ཉིད་དུ་སངས་རྒྱས་ཐམས་ཅད་ཀྱང་དགོངས་པ་འདུས
334a6 པར་བསྟན་པའི་ལེའུ་སྟེ་ཉེར་དགུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཆོས་ཀྱི་སྐུ་དང་ཆོས་ཀྱི་དབྱིངས།། གཅིག་པ་ལགས་སམ་ཐ་དད་ལགས།། ཆོས་ཀྱི་སྐུ་དང་གཟུགས་སྐུ
iiif viewer powered by OpenSeadragon
