| e-texts navigator |
| Wylie |
333b1 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། བྱང་ཆུབ་སེམས་ཀྱི་ཆོས་ཉིད་དེར།། སངས་རྒྱས་དགོངས་པ་ཅི་ལྟར་འདུས།། གསང་བའི་བདག་པོས་བསྟན་དུ་གསོལ།། ཀྱེ་སེམས་དཔའ་ཆེན
333b2 པོ་ཉོན་ཅིག། བྱང་ཆུབ་སེམས་ཀྱི་ཆོས་ཉིད་དེར།། སངས་རྒྱས་ཀུན་གྱི་དགོངས་འདུས་པ།། སྤྱི་འདུས་སྒོས་འདུས་ཐམས་ཅད་འདུས།། དཔེ་ཡིས་འདུས་ལ་དོན་གྱིས་འདུས།། རྟགས་དང་གཏན་ཚིགས་མཐུན་པར
333b3 འདུས།། སྤྱི་ཡི་འདུས་པ་བསྟན་པ་ནི།། རབས་བདུན་ཤཱཀྱ་ཐུབ་པ་དང་།། སྟོང་རྩ་གཉིས་ཀྱི་དགོངས་པ་ཡང་།། ཆོས་ཉིད་བྱང་ཆུབ་སེམས་སུ་འདུས།། སྒོས་ཀྱི་འདུས་པར་བསྟན་པ་ནི།། ཀུན་ཏུ་བཟང་པོའི་དགོངས
333b4 འདུས་པ།། བཟང་ངན་བླང་དོར་མེད་པར་འདུས།། རྡོ་རྗེ་སེམས་དཔའི་དགོངས་འདུས་པ།། སྐྱེ་འགག་འཕོ་འགྱུར་མེད་པར་འདུས།། རྣམ་པར་སྣང་མཛད་དགོངས་འདུས་པ།། ཡེ་ཤེས་ཀུན་གྱི་ལུས་ཅན
333b5 འདུས།། རིན་ཆེན་འབྱུང་ལྡན་དགོངས་འདུས་པ།། ཟག་མེད་གཏེར་གྱི་དགོངས་པར་འདུས།། སྣང་བ་མཐའ་ཡས་དགོངས་འདུས་པ།། ཁྱབ་གདལ་ཆེན་པོའི་དགོངས་པར་འདུས།། དོན་ཡོད་གྲུབ་པའི་དགོངས།
333b6 འདུས་པ།། ཐོགས་མེད་ཡེ་ཤེས་དགོངས་པར་འདུས།། དཔེ་ནི་ཀུན་དཔེ་ནམ་མཁར་འདུས།། དོན་ནི་ཀུན་དོན་ཆོས་ཉིད་འདུས།། རྟགས་ནི་བྱང་ཆུབ་སེམས་ཉིད་འདུས།། གཏན་ཚིགས་རང་བྱུང་ཡེ་ཤེས
iiif viewer powered by OpenSeadragon
