| e-texts navigator |
| Wylie |
333a1 དཀར་མོའི་འོ་མ་ཡང་།། རིན་ཆེན་སྣོད་དུ་བཞོ་བ་ལས།། སྣོད་ངན་དག་ཏུ་བཞོས་གྱུར་ན།། སྣོད་བཅུད་གཉིས་ཀ་བརླག་པར་འགྱུར།། ཟས་ཀྱི་རྒྱལ་པོ་བདུད་རྩི་ཡང་།། ལུས་སྟོབས་ཅན་གྱིས་བཟའ
333a2 བ་ལས།། ཕོ་བ་སྣོད་ངན་མི་འཇུ་སྐྲན།། ཆོས་ཀྱི་བལྟ་བའི་བདུད་རྩི་འདི།། བློ་ལྡན་འགའ་ཡི་སྤྱོད་ཡུལ་ལས།། བློ་དམན་དག་ལ་བསྟན་གྱུར་ན།། སྣོད་བཅུད་གཉིས་ཀ་བརླག་པར་འགྱུར།། ཞེས་སོ།། བང་མཛོད
333a3 འཕྲུལ་གྱི་ལྡེའུ་མིག་ལས། རྫོགས་པ་ཆེན་པོ་ལྟ་བ་ཀུན་གྱི་ཐུན་མོང་མ་ཡིན་པར་བསྟན་པའི་ལེའུ་སྟེ་ཉེར་བདུན་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་པ་ཆེན་པོའི་བལྟ་བ
333a4 ཡིས།། ཆོས་རྣམས་སྤྱི་ནི་ཅི་ལྟར་བཅིང་།། གསང་བའི་བདག་པོས་བསྟན་དུ་གསོལ།། གསུངས་པ་ཉོན་ཅིག། ལམ་གྱི་སྤྱི་ནི་གྲོང་གིས་བཅིངས།། ཆུ་ཕྲན་སྤྱི་ནི་རྒྱ་མཚོས་བཅིངས།། རི་བདུན་སྤྱི་ནི་རི་བོས
333a5 བཅིངས།། འབྱུང་བཞིའི་སྤྱི་ནི་ནམ་མཁས་བཅིངས།། ཐེག་བརྒྱད་སྤྱི་ནི་ཨ་ཏིས་བཅིངས།། སྐུ་གསུམ་སྤྱི་ནི་ཆོས་སྐུས་བཅིངས།། ཡེ་ཤེས་ལྔ་ཡི་སྤྱི་དག་ནི།། རང་བྱུང་ཡེ་ཤེས་ཆེན་པོས་བཅིངས།། སྣང་སྲིད་ཀུན
333a6 གྱི་སྤྱི་དག་ནི།། ཆོས་ཉིད་བྱང་ཆུབ་སེམས་གྱིས་བཅིངས།། ཞེས་གསུངས་སོ།། བང་མཛོད་འཕྲུལ་གྱི་ལྡེ་མིག་ལས། རྫོགས་པ་ཆེན་པོའི་བལྟ་བས་ཆོས་ཐམས་ཅད་ཀྱི་སྤྱི་ཅི་ལྟར་བཅིངས་པའི་ལེའུ་སྟེ་ཉེར་བརྒྱད
iiif viewer powered by OpenSeadragon
