| e-texts navigator |
| Wylie |
332b1 ཅིག། ཁྱུང་ཆེན་གཤོག་རྫོགས་མཁའ་ལ་ལྡིང་བ་ལ།། ངམ་གྲོག་གཡང་ས་རྒྱ་མཚོའི་འཇིགས་པས་ཉམ་མི་ང་།། སེང་གེ་རྩལ་རྫོགས་གངས་གོང་ཉལ་བ་ལ།། གཅན་གཟན་ཕལ་པའི་འཇིགས་པས་ཉམ་མིང་།། རྣལ
332b2 འབྱོར་རིག་པའི་གདེང་ཆེན་ལྡན་པ་ལ།། ཁམས་གསུམ་འཁོར་བའི་གཡང་སས་ཉམ་མི་ང་།། གདེང་དང་ལྡན་པའི་རྣལ་འབྱོར་པས།། རང་བཞིན་མེད་པའི་དོན་རྟོགས་ན།། མཚན་མ་སྣང་རུང་མི་སྣང་རུང་།། སྐྱེ་ཤི
332b3 མེད་པའི་དོན་རྟོགས་ན།། འདུས་བྱས་རྟག་རུང་མི་རྟག་རུང་།། ཡེ་ནས་ཡིན་པའི་དོན་རྟོགས་ན།། ད་གདོད་རྩོལ་རུང་མ་རྩོལ་རུང་།། གཉིས་སུ་མེད་པའི་དོན་མཐོང་ན།། དུ་མར་འབྱེད་རུང་མ་འབྱེད་རུང་།། མཉམ
332b4 པ་ཉིད་ཀྱི་དོན་རྟོགས་ན།། བཟང་ངན་འབྱེད་རུང་མ་འབྱེད་རུང་།། བགྲོད་དུ་མེད་པའི་ལམ་རྙེད་ན།། གནས་ཀྱང་མཐོ་རུང་མ་མཐོ་རུང་།། གསལ་སྒྲིབ་མེད་པའི་དོན་རྟོགས་ན།། མུན་ཀྱང་སྲོས་རུང་མ་སྲོས
332b5 རུང་།། བརྗོད་དུ་མེད་པའི་ལམ་རྙེད་ན།། ཐ་སྙད་མཁས་རུང་མ་མཁས་རུང་།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས།། རྫོགས་པ་ཆེན་པོའི་ལྟ་བའི་གདེང་བསྟན་པའི་ལེའུ་སྟེ་ཉེར་དྲུག
332b6 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སྙིང་པོ་དོན་གྱི་མན་ངག་འདི།། གང་ཟག་གང་གི་སྤྱོད་ཡུལ་ལགས།། བསྟན་དུ་གསོལ། གསུངས་པ།། སེམས་དཔའ་ཆེན་པོ་ཉོན་ཅིག། སེང་གེ
iiif viewer powered by OpenSeadragon
