| e-texts navigator |
| Wylie |
330b1 གྱི་རྒྱུ་ཡིན་ཏེ།། མ་དཀྲོགས་བར་དུ་མར་མི་འབྱུང་།། ཏིལ་འབྲུ་དག་ལ་མར་ཡོད་ཀྱང་།། མ་བཙིར་བར་དུ་མར་མི་འབྱུང་།། སེམས་ཅན་སངས་རྒྱས་རྒྱུ་ཡིན་ཏེ།། མ་བསྒོམས་བར་དུ་སངས་མི་རྒྱས།། ཞེས་རྒྱུ་འབྲས
330b2 གཉིས་ཀྱི་ཐེག་པ་ལ་དགོངས་ནས་གསུངས་པའོ།། བང་མཛོད་འཕྲུལ་གྱི་ལྡེའུ་མིག་ལས། དཔེས་མཚོན་ཚིག་གི་ལྡེ་མིག་གི་ལེའུ་སྟེ་ཉེར་གསུམ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ
330b3 ལགས།། རྫོགས་ཆེན་སྤྱོད་པའི་རྣལ་འབྱོར་པའི།། ལྟ་བའི་ཁོང་སྐྲན་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། སྔ་ཕྱི་མེད
330b4 པར་བྱང་ཆད་ན།། ཆད་པར་བལྟ་བའི་ལྟ་ངན་ཡིན།། གཞི་མི་སྤངས་ཤིང་རྟག་ཞེན་ན།། རྟག་པར་བལྟ་བའི་ལྟ་ངན་ཡིན།། རྡུལ་ཕྲན་ཆ་རུ་ཕྱོགས་ཞེན་ན།། ཉན་ཐོས་རང་རྒྱལ་ལྟ་ངན་ཡིན།། འདི་ཞེས་སེམས་སུ
330b5 གཅིག་འཛིན་ན།། མཚན་མར་རྟོགས་པའི་ངོ་བོ་སྟེ།། རྣམ་པར་རིག་པའི་ལྷ་ངན་ཡིན།། ཕྱོགས་ཆ་དྲུག་གི་གཏན་ཚིགས་དང་།། རྡོ་རྗེ་གཟེགས་མའི་གཏན་ཚིགས་དང་།། མུ་བཞི་སྐྱེ་འགོག་གཏན་ཚིགས
330b6 དང་།། གཅིག་དང་དུ་བྲལ་གཏན་ཚིགས་ཀྱིས།། གཞིགས་ནས་སྟོང་པར་འདོད་པ་དང་།། སྐད་ཅིག་དུས་གསུམ་ཆས་སྟོན་པ།། དེ་ནི་སྟོང་པ་བཟོ་མ་སྟེ།། མདོ་སྡེ་སྤྱོད་པའི་ལྷ་ངན་ཡིན།། མ་བཅོས་ཅི་བཞིན་ཆོས་ཉིད
iiif viewer powered by OpenSeadragon
