| e-texts navigator |
| Wylie |
330a1 ལ།། ལ་ལའི་སྨན་ལ་ལ་ལའི་དུག། ཧ་ལ་ནག་པོའི་དུག་དག་ཀྱང་།། ཐབས་མཁས་བཟའ་ལེགས་སྨན་གྱི་མཆོག། སྨན་གྱི་རྒྱལ་པོ་བཅུད་ལེན་ཡང་།། ཐབས་མ་མཁས་ཤིང་བཟའ་ཉེས་ན།། ཧ་ལ
330a2 ནག་པོའི་དུག་ཏུ་འགྱུར།། དེ་བཞིན་འདོད་ཆགས་ཞེ་སྡང་ཡང་།། རྣམ་རྟོག་རླུང་གིས་མ་བསྐྱོད་ན།། དེ་ནི་རང་བྱུང་ཡེ་ཤེས་ཡིན།། རང་བྱུང་ཡེ་ཤེས་ཆེན་པོ་ཡང་།། རྣམ་རྟོག་རླུང་གིས་བསྐྱོད་ཙམ་ན།། འདོད་ཆགས
330a3 ཞེ་སྡང་གཏི་མུག་ཡིན།། ས་འོག་གནས་པའི་གསེར་དག་ནི།། བདག་པོ་མེད་ན་རྡོ་དང་འདྲ།། བདག་དང་འཕྲད་ན་མི་ཟད་གཏེར།། དགོས་འདོད་རེ་བ་དེ་ལས་འབྱུང་།། ཀུན་ལ་ཡོད་པའི་བྱང་ཆུབ་སེམས།། ཡེ་ཤེས
330a4 མེད་ན་འཁྲུལ་རྟོག་སེམས།། དགོས་པ་ཅི་ཡང་ཆེ་རྒྱུ་མེད།། གཉིས་མེད་ཡེ་ཤེས་ཤར་ཙམ་ན།། བདེ་བ་ཆེན་པོ་ཆོས་ཀྱི་སྐུ།། བྱིན་རླབས་ཡིད་བཞིན་ནོར་བུའི་ཚུལ།། དཔེར་ན་གཟུགས་རྣམས་སྣ་ཚོགས་ཀྱང་།། རི
330a5 རབ་ངོས་ལ་ཕྱིན་ཙམ་ན།། ཁ་དོག་གཅིག་ཏུ་འགྱུར་བ་བཞིན།། དེ་བཞིན་རྣལ་འབྱོར་སོ་སོ་ནས།། མ་བཅོས་ངང་ལ་བློ་བཞག་ནས།། དེ་ཉིད་མངོན་དུ་གྱུར་ཙམ་ན།། ཆོས་སྐུ་བདེ་ཆེན་ཐོབ་པར་འགྱུར།། རྒྱུ་ནི་འབྱུང
330a6 ཆེན་རྣམ་ལྔ་ལ།། འབྲས་བུ་ཁམས་གསུམ་སེམས་ཅན་རྣམས།། རྒྱུ་ནི་ཁམས་གསུམ་སེམས་ཅན་ལ།། འབྲས་བུ་དུས་གསུམ་སངས་རྒྱས་སོ།། ཤིང་ནི་མེ་ཡི་རྒྱུ་ཡིན་ཏེ།། མ་གཙུབས་བར་དུ་མེ་མི་འབྱུང་།། འོ་མ་མར
iiif viewer powered by OpenSeadragon
