| e-texts navigator |
| Wylie |
32a1 མཐོང་ནས།། ཕྱི་ནང་རྟོག་པ་དག་གསུམ་གྱིས།། ཁྲུས་དང་གཙང་སྦྲ་དག་བྱེད་པ།། དག་པའི་རང་སེམས་མ་མཐོང་བ།། རང་སེམས་དག་པ་དེ་དང་བྲལ།། མི་ཡི་སྐྱེ་བ་ཚེ་བདུན་དུ།། རང་སེམས་གཉིས
32a2 མེད་དེ་མི་མཐོང་།། ལྷུན་གྱིས་གྲུབ་པའི་བྱང་ཆུབ་ལ།། བཙལ་ཞིང་བསྒྲུབ་པའི་ཡུལ་མཐོང་ནས།། སེམས་བསྐྱེད་ཏིང་འཛིན་རྣམ་གསུམ་གྱིས།། ཐམས་ཅད་དབང་སྡུད་བདག་ཏུ་བྱེད།། རང་གི་བྱང་ཆུབ་བཙལ་མེད
32a3 ལ།། བཙལ་བས་གྲུབ་པར་འདོད་པའི་ཕྱིར།། བཅུ་དྲུག་ཟླ་བས་ཚེས་བསྒྲུབས་ནས།། སྟོང་དང་བརྒྱ་དྲུག་ལོ་ཡིས་ནི།། ཆ་ལུགས་ལོངས་སྐུ་བཟུང་ནས་ནི།། རང་སེམས་ལྷུན་གྲུབ་བཟོད་རྟོག་བྱེད།། རང་སེམས་ཆོས
32a4 ཉིད་མངོན་ཕྱུང་འདི།། རྒྱུ་དང་འབྲས་བུ་རྟོག་བྱེད་པའི།། རྩོལ་སྒྲུབ་ཅན་ལ་ཕན་མེད་ཀྱང་།། ལས་དང་སྐལ་བར་ལྡན་པ་ཡི།། དགོས་ཆེད་དོན་དུ་ཕྱུང་བ་ཡིན།། ཞེས་སེམས་དཔའ་རྡོ་རྗེས་གསུངས་སོ།། དེ་ནས་ཀུན
32a5 བྱེད་རྒྱལ་པོ་ཉིད་ཀྱིས་ལུང་བསྟན་པ།། ཀྱེ་སེམས་དཔའ་ཆེན་པོ།། ཆོས་ཉིད་མངོན་དུ་ཕྱུང་བ་རང་སེམས་ཡིན།། རྒྱུ་དང་འབྲས་བུ་ཐེག་པ་ཅན་རྣམས་ཀྱིས།། རང་སེམས་མངོན་དུ་ཕྱུང་བ་མ་རྟོགས་ཏེ།། སྤོང་ཞིང
32a6 འགེགས་པས་བསྐལ་པ་ཡུན་རིངས་གནས།། སྦྱོངས་ཤིང་བགྲོད་ལ་བསྐལ་པ་གསུམ་དུ་གནས།། དག་བྱེད་ཁྲུས་དང་གཙང་སྦྲས་མི་ཚེ་བདུན།། བྱིན་རླབས་བླང་དོར་ཅན་ནི་མི་ཚེ་གསུམ།། དབང་སྡུད་བདག་འདོད
iiif viewer powered by OpenSeadragon
