| e-texts navigator |
| Wylie |
329b1 ཀྱང་།། ངོ་བོ་གསེར་ལ་གཅིག་པ་བཞིན།། སེམས་ཀྱིས་བརྟགས་པའི་ཆོས་རྣམས་ཀུན།། མིང་གི་རྣམ་གྲངས་ཐ་དད་ཀྱང་།། ཆོས་ཉིད་ངོ་བོར་དབྱེར་མེད་ཅིང་།། དཔེར་ན་རས་སྣམ་ཡུག་གཅིག་ལ།། ཚོན་གྱི་སྐྱོན
329b2 གྱིས་སོ་སོར་སྣང་།། སྣང་ཡང་རས་སུ་དབྱེར་མེད་ཅིང་།། དེ་བཞིན་སེམས་ཉིད་གཅིག་པ་ལས།། ཡུལ་དབང་རྐྱེན་གྱིས་སོ་སོར་སྣང་།། སྣང་ཡང་སེམས་ཀྱི་སྣང་བར་གཅིག། ཤེལ་སྒོང་དག་གི་དྲུང་དུ་ནི།། ཁ་དོག་སྣ
329b3 ཚོགས་པ་བཞག་པས།། གང་བཞག་རྐྱེན་གྱིས་དེ་ལྟར་སྣང་།། སྣང་ཡང་ཤེལ་དུ་འགྱུར་བ་མེད།། དེ་བཞིན་ཆོས་ཉིད་རྒྱུ་གཅིག་པས།། འགྲོ་བ་རིགས་དྲུག་སོ་སོ་ནས།། བག་ཆགས་རྐྱེན་གྱིས་སོ་སོར་སྣང་།། ཆོས
329b4 ཉིད་རང་ལ་འགྱུར་བ་མེད།། རྒྱུ་ཉིད་གསེར་དུ་གཅིག་པ་ལས།། བཟོ་ཡི་ལས་ཀྱིས་བསྒྱུར་བྱས་ཏེ།། ཆོལ་ཟངས་དྲི་སྣོད་བྱས་ཙམ་ན།། གསེར་ཡང་ངན་པའི་རྒྱུ་རུ་སྣང་།། སྐུ་གཟུགས་མཆོད་རྟེན་བྱས་ཙམ
329b5 ན།། གསེར་ཡང་བཟང་པོའི་རྫས་སུ་སྣང་།། གསེར་གྱི་རྒྱུ་ལ་བཟང་ངན་མེད།། དེ་བཞིན་ཆོས་ཉིད་རྒྱུ་གཅིག་པས།། རྣམ་རྟོག་འཁྲུལ་པས་བརྟགས་ཙམ་ན།། ཡུལ་ཡང་མ་དག་འཇིག་རྟེན་ཁམས།། ངམ་གྲོག་གཡང
329b6 ས་ལུང་ཁུང་སྣང་།། ཡེ་ཤེས་ཅན་གྱི་ངོ་གང་ལ།། ཡུལ་ཡང་ཞིང་ཁམས་དག་པ་སྟེ།། བདེ་བ་ཅན་གྱི་གནས་སུ་སྣང་།། ཆོས་ཉིད་རང་གི་ངོ་བོ་ལ།། སྣང་དང་མི་སྣང་གཉིས་སུ་མེད།། སྨན་དང་དུག་ཏུ་གཅིག་པ
iiif viewer powered by OpenSeadragon
