| e-texts navigator |
| Wylie |
329a1 མེད།། གཟུང་བ་མེད་ཅིང་གཏང་བ་མེད།། ལྡན་པ་མེད་ཅིང་བྲལ་བ་མེད།། མཁའ་ལ་ཤར་བའི་གཟུགས་སོགས་དང་།། ཆུ་ནང་དག་གི་གཟུགས་བརྙན་གཉིས།། གཅིག་པ་མེད་ཅིང་ཐ་དད
329a2 མེད།། དཔེར་ན་ནམ་མཁའི་གཟུགས་སུ་གཅིག། ཆུ་ནང་གཟུགས་བརྙན་བསམ་ནི་ཁྱབ།། དེ་བཞིན་རིག་པ་གཅིག་པ་ལས།། རིག་པའི་རྩལ་ཤུགས་བསམ་མི་ཁྱབ།། མཁའ་ལ་གཟུགས་སོགས་ཤར་བ་ལ།། ཆུ་ནང
329a3 གཟུགས་བརྙན་ཤུགས་ཀྱིས་འབྱུང་།། ཀུན་གཞིའི་མཁའ་ལ་རིག་པ་ཤར།། རིག་པའི་རྩལ་ཤུགས་ཤུགས་ཀྱིས་འབྱུང་།། དཔེར་ན་ཆུ་ནང་གཟུགས་བརྙན་ཡང་།། སྣང་བ་དེ་ཡང་རང་བཞིན་མེད།། ཚོན་ལྔ་འདྲེས་པའི
329a4 ཁ་དོག་ལ།། འདི་ཞེས་གཅིག་ཏུ་ངོས་གཟུང་མེད།། དེ་བཞིན་སོ་སོར་དབྱེར་ཡང་མེད།། ཀུན་བྲལ་ཅི་ཡང་མ་སྤངས་པའོ།། ཆོས་རྣམས་འདུས་པའི་ཡེ་ཤེས་ལ།། འདི་ཞེས་གཅིག་ཏུ་ངོས་གཟུང་མེད།། དེ་བཞིན་སོ
329a5 ར་དབྱེར་ཡང་མེད།། ཀུན་བྲལ་ཅི་ཡང་མ་སྤངས་པའོ།། སྣ་ཚོགས་དར་གྱིས་སྣལ་ཚོགས་ལ།། ཟ་འོག་སྣམ་བུར་བྱས་ཙམ་ན།། སྣ་ཚོགས་དར་གྱི་མིང་བྲལ་ནས།། ཟ་འོག་སྣམ་བུར་གཅིག་པ་བཞིན།། དེ་བཞིན
329a6 ཆོས་རྣམས་ཐ་དད་ཀྱང་།། གཉིས་མེད་ཡེ་ཤེས་བསྡུས་ཙམ་ན།། སྣ་ཚོགས་ཆོས་ཀྱི་མིང་བྲལ་ནས།། གཉིས་མེད་ཐིག་ལེ་ཆེན་པོར་གཅིག། གསེར་ལས་བྱས་པའི་རྫས་རྣམས་ཀུན།། མིང་དབྱིབས་ལ་སོགས་ཐ་དད
iiif viewer powered by OpenSeadragon
