| e-texts navigator |
| Wylie |
328a1 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ལྟ་བ་ཕྱོགས་ལྷུང་མེད་པའི་དོན།། དེ་དོན་བདག་ལ་བསྟན་དུ་གསོལ།། ཞེས་ཞུས་པས། ཀྱེ་སེམས་དཔའ་ཆེན་པོ་ཉོན་ཅིག། ཅི
328a2 ལྟར་ནམ་མཁའི་མཚན་ཉིད་ནི།། ཕོ་མོ་མ་ཡིན་མ་ནིང་མིན།། ཁ་དོག་དབྱིབས་དང་རིགས་མ་ཡིན།། ཕྱོགས་བཞི་མཚམས་དང་བླ་འོག་མིན།། ཕྱི་ནང་མ་ཡིན་སྣང་མུན་མིན།། གཅིག་དང་ཐ་དད་ཡོད་མེད
328a3 མིན།། སངས་རྒྱས་སྡུག་བསྔལ་བདེ་སྡུག་བསྔལ།། བཟང་ངན་ཆེ་ཆུང་སྐྱོན་ཡོན་ཏན།། གང་གི་ཕྱོགས་སུ་ལྟུང་བ་མེད།། བྱང་ཆུབ་སེམས་ཀྱང་དེ་དང་མཚུངས།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག།
328a4 ལས། ལྟ་བ་ཕྱོགས་ལྷུང་མེད་པར་བསྟན་པའི་ལེའུ་སྟེ་ཉེར་གཅིག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། མ་འདྲེས་ཡོངས་སུ་རྫོགས་པའི་དོན།། དེ་དོན་བདག་ལ་བསྟན་དུ
328a5 གསོལ།། གསུངས་པ། སེམས་དཔའ་ཆེན་པོ་ཉོན་ཅིག། མཁའ་ལ་གཟུགས་སོགས་མ་འདྲེས་པ།། ཆུ་ནང་ཕྱོགས་སུ་གཟུགས་ཡོངས་སུ་རྫོགས།། འབྱུང་བ་རྣམ་བཞི་མ་འདྲེས་པ།། ནམ་མཁའི་ངང་དུ་ཡོངས་སུ
328a6 རྫོགས།། སྣ་ཚོགས་སྣལ་མ་མ་འདྲེས་པ།། ཟ་འོག་སྣམ་བུར་ཡོངས་སུ་རྫོགས།། ཚོན་རྩི་སྣ་ལྔ་མ་འདྲེས་པ།། དཀྱིལ་འཁོར་ཆེན་པོར་ཡོངས་སུ་རྫོགས།། རིན་ཆེན་སྣ་ལྔ་མ་འདྲེས་པ།། མཆོག་རབ་རི་ལ་ཡོངས་སུ
iiif viewer powered by OpenSeadragon
