| e-texts navigator |
| Wylie |
327a1 སེམས་ཉིད་གཟུགས་ཀྱང་ཡིན།། གྲག་པ་སརྦ་སེམས་ལ་གྲག། དེས་ན་སེམས་ཉིད་སྒྲ་ཡང་ཡིན།། དྲི་མཆོག་སརྦ་སེམས་ལ་མནམ།། དེས་ན་སེམས་ཉིད་དྲི་ཡང་ཡིན།། རོ་མཆོག་སརྦ་སེམས་ལ
327a2 བྲོ།། དེས་ན་སེམས་ཉིད་རོ་ཡང་ཡིན།། རེག་བྱ་སརྦ་སེམས་ལ་ཚོར།། དེས་ན་སེམས་ཉིད་རེག་ཀྱང་ཡིན།། ཞེས་སོ།། ཡང་གསུངས་པ། འདོད་པ་སྲིད་གསུམ་སངས་རྒྱས་འདོད།། ཐུགས་རྗེ་ངང་གིས་དེ་ལ
327a3 ཆགས།། སེམས་ནི་འདོད་ཆགས་ཡིན་པར་འདོད།། ཞི་བ་བྱང་ཆུབ་སེམས་ལ་ཞི།། སྡང་བ་འཁོར་བའི་ཆོས་ལ་སྡང་།། སེམས་ནི་ཞེ་སྡང་ཡིན་པར་འདོད།། གཏི་བ་ཆོས་ཀྱི་དོན་ལ་གཏི།། མུག་པ་མཚན་མའི་ཆོས་ལ
327a4 སེམས་ནི་གཏི་མུག་ཡིན་པར་འདོད།། ང་ནི་ཆོས་ཀྱི་བྱང་ཆུབ་སེམས།། རྒྱལ་བ་འཁོར་བའི་ཆོས་ལས་རྒྱལ།། སེམས་ནི་ང་རྒྱལ་ཡིན་པར་འདོད།། ཕྲག་ནི་ཆོས་ཀྱི་དབྱིངས་ལ་ཕྲག། དོག་ནི་མཚན་མའི་ཆོས་ལ
327a5 དོག། སེམས་ནི་ཕྲག་དོག་ཡིན་པར་འདོད།། ཅེས་གསུངས་སོ།། རང་བྱུང་ཡེ་ཤེས་སྒྲིབ་མེད་པ།། སྟོན་པ་ཕུན་སུམ་ཚོགས་པ་ཡིན།། རིག་པ་འདུ་འབྲལ་མེད་པ་ཡིས།། དེ་འཁོར་ཕུན་སུམ་ཚོགས་པ་ཡིན།། སེམས
327a6 ཉིད་མ་བཅོས་རྣལ་བཞག་པ།། བསྟན་པ་ཕུན་སུམ་ཚོགས་པ་ཡིན།། ཞེས་སོ།། ཡང་གསུངས་པ། སེམས་རྟོག་སངས་རྒྱས་བྱུང་བའི་ཕྱིར།། དེས་ན་སེམས་ཉིད་རྒྱུ་ཡང་ཡིན།། མ་ཡེངས་གནས་པ་ལམ་ཡིན
iiif viewer powered by OpenSeadragon
