| e-texts navigator |
| Wylie |
326b1 སོ།། ཐིག་ལེ་ཉག་གཅིག་བྱང་ཆུབ་སེམས།། ཟླུམ་ཞིང་རྣམ་པ་མ་འཕྲོས་པས།། བྱང་ཆུབ་སེམས་ནི་ཟླུམ་པོ་ཡིན།། ནམ་མཁའི་མཐའ་ལྟར་ཀུན་ཁྱབ་པས།། བྱང་ཆུབ་སེམས་ནི་གྲུ་བཞི་ཡིན།། བྱང་ཆུབ་སེམས་ཀྱི
326b2 ཆོས་ཉིད་ནི།། ཆོས་རྣམས་མ་ལུས་དབང་དུ་སྡུད།། བྱང་ཆུབ་སེམས་ནི་ཟླ་གམ་ཡིན།། བྱང་ཆུབ་སེམས་ཀྱི་ཆོས་ཉིད་དེ།། སྐུ་གསུང་ཐུགས་ཀྱི་བདག་ཉིད་ཀྱིས།། བྱང་ཆུབ་སེམས་ནི་ཟུར་གསུམ་ཡིན།། ཞེས
326b3 སོ།། ཡང་གསུངས་པ། བྱང་ཆུབ་སེམས་ཀྱི་ཆོས་ཉིད་ལ།། ཉོན་མོངས་སྐྱོན་གྱིས་མ་གོས་པས།། བྱང་ཆུབ་སེམས་ནི་དཀར་པོ་ཡིན།། ཆེ་བའི་ཡོན་ཏན་འབྱུང་བའི་ཕྱིར།། བྱང་ཆུབ་སེམས་ནི་སེར་པོ་ཡིན།། ཐུགས་རྗེ
326b4 ཀུན་ལ་ཆགས་པའི་ཕྱིན།། བྱང་ཆུབ་སེམས་ནི་དམར་པོ་ཡིན།། གང་ལ་ཐོགས་མེད་སྤྱོད་པའི་ཕྱིར།། བྱང་ཆུབ་སེམས་ནི་ལྗང་གུ་ཡིན།། སྣ་ཚོགས་ཅིར་ཡང་སྣང་བའི་ཕྱིར།། བྱང་ཆུབ་སེམས་ནི་ཁྲ་བོ་ཡིན།། གཞན
326b5 གྱིས་བསྒྱུར་དུ་མི་བཏུབ་ཕྱིར།། བྱང་ཆུབ་སེམས་ནི་ནག་པོ་ཡིན།། ཞེས་སོ།། ཡང་གསུངས་པ།། བྱང་ཆུབ་སེམས་ཀྱི་ཆོས་ཉིད་ནི།། མ་སྐྱེས་སྟོང་པ་སྐྱེ་བ་མེད།། དེ་ནི་གཟུགས་མེད་ཁམས་ཡིན་ནོ།། སྐྱེ་བའི་ཆོ
326b6 འཕྲུལ་གཟུགས་སྣང་བ།། དེ་ནི་གཟུགས་ཀྱི་ཁམས་ཡིན་ཏེ།། འདོད་སྤྱོད་སྙིང་རྗེས་ཀུན་འདུས་པ།། དེ་ནི་འདོད་པའི་ཁམས་སུ་ཡིན།། ཞེས་སོ།། ཡང་གསུངས་པ།། སྣང་བ་ཐམས་ཅད་སེམས་ལ་སྣང་།། དེས་ན
iiif viewer powered by OpenSeadragon
