| e-texts navigator |
| Wylie |
326a1 ཚུལ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། བྱང་ཆུབ་སེམས་ལ་ཀུན་བརྟེན་པས།། བྱང་ཆུབ་སེམས་ནི་ས
326a2 ལྟར་སྣང་།། བྱང་ཆུབ་སེམས་ཀྱིས་ཀུན་སྡུད་པས།། བྱང་ཆུབ་སེམས་ནི་ཆུ་ལྟར་སྣང་།། ཀུན་ལ་སྙོམས་ཤིང་སྨིན་བྱེད་པས།། བྱང་ཆུབ་སེམས་ནི་མེ་ལྟར་སྣང་།། གཟུགས་མེད་མཁའ་ལ་རྒྱུ་བའི་ཕྱིར།། བྱང་ཆུབ
326a3 སེམས་ནི་རླུང་ལྟར་སྣང་།། སྣང་མེད་ཀུན་ལ་ཁྱབ་པའི་ཕྱིར།། བྱང་ཆུབ་མཁའ་ལྟར་སྣང་ཞེས་གསུངས།། ཀུན་གཞི་སེམས་ནི་ནམ་མཁའ་ལ།། རང་བྱུང་ཡེ་ཤེས་རང་ཤར་བས།། བྱང་ཆུབ་སེམས་ནི་ཤར་ཕྱོགས
326a4 ཡིན།། ཆོས་སྐུ་རང་ལ་ཡོད་པ་སྟེ།། མ་བཅོས་མཉམ་པར་བཞག་པས་ལྷོ།། བྱང་ཆུབ་སེམས་ནི་ལྷོ་ཕྱོགས་ཡིན།། མཚན་མའི་རྣམ་པར་རྟོག་པ་ཀུན།། གཉིས་མེད་ཡེ་ཤེས་ངང་དུ་ནུབ།། བྱང་ཆུབ་སེམས་ནི་ནུབ
326a5 ཕྱོགས་ཡིན།། བྱང་ཆུབ་སེམས་ཀྱི་ཆོས་ཉིད་ལ།། ཉོན་མོངས་སྐྱོན་གྱིས་མ་གོས་པས།། བྱང་ཆུབ་སེམས་ནི་བྱང་ཕྱོགས་ཡིན།། ཆོས་རྣམས་རྩ་བ་སེམས་སུ་འདུས།། བྱང་ཆུབ་སེམས་ནི་དབུས་ཀྱང་ཡིན།། རང་བྱུང་ཡེ
326a6 ཤེས་ཆེན་པོ་དེ།། ཡེ་ཤེས་ཀུན་གྱི་བླར་གྱུར་པས།། བྱང་ཆུབ་སེམས་ནི་སྟེང་ཡང་ཡིན།། མི་རྟོག་པ་ཡི་ཡེ་ཤེས་ཆེན་པོ་དེས།། རྣམ་རྟོག་མཚན་མ་ཟིལ་མནན་པས།། བྱང་ཆུབ་སེམས་ནི་འོག་ཀྱང་ཡིན།། ཞེས་གསུངས
iiif viewer powered by OpenSeadragon
