| e-texts navigator |
| Wylie |
325b1 གསང་བའི་བདག་པོ་ལགས།། རྫོགས་ཆེན་ཨ་ཏི་ཡོ་ག་ཡི།། བྱེ་བྲག་རྣམ་པར་ཕྱེ་བ་ལས།། དང་པོ་བལྟ་བ་མདོར་བསྟན་པའི།། རང་གི་ངོ་བོ་ཅི་ལྟར་ལགས།། གསང་བའི་བདག་པོས་བཤད་དུ་གསོལ།། གསུངས
325b2 པ། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། རྫོགས་པ་ཆེན་པོའི་ལྟ་བ་ནི།། མ་འདྲེས་ཡོངས་སུ་རྫོགས་པ་ཡིན།། ཀུན་བྲལ་ཅི་མ་སྤངས་པ་ཡིན།། རྒྱ་ཆད་ཕྱོགས་ལྷུང་མེད་པ་ཡིན།། ཡིན་ཚུལ་ངེས་པ་མེད་པ་ལ།། སྣང
325b3 ཚུལ་ཅིར་ཡང་སྣང་བ་ཡིན།། རང་བཞིན་གཅིག་ཏུ་མ་ངེས་པ།། བལྟ་བ་ངོས་བཟུང་མེད་པ་ཡིན།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དེ་ཡི་གཏན་ཚིགས་ཅི་ལྟར
325b4 ལགས།། གསང་བའི་བདག་པོས་བསྟན་དུ་གསོལ།། གསུངས་པ། སེམས་དཔའ་ཆེན་པོ་ཉོན་ཅིག། བརྒྱད་ཀྱི་ལྷ་སྤྱོད་མ་འདྲེས་པ།། རྫོགས་ཆེན་ལམ་གྱི་ཡེ་ཤེས་ལ།། དེ་ཉིད་མ་འདྲེས་ཡོངས་སུ་རྫོགས།། བློས
325b5 བརྟགས་ཆོས་ནི་ཀུན་དང་བྲལ།། རང་སྣང་ངོ་བོ་ཅི་མ་སྤངས།། རང་བཞིན་གཅིག་ཏུ་མ་ངེས་ཤིང་།། གང་གི་ཕྱོགས་སུ་མ་ལྷུང་བས།། ལྟ་བ་དངོས་པོ་མེད་པ་ཡིན།། མི་མཐུན་བསམ་པ་སོ་སོ་ལ།། སྣང་ཚུལ་ཅིར་ཡང
325b6 སྣང་བའི་ཚུལ།། གང་ཡང་རྒྱ་མ་ཆད་པ་ཡིན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ལྟ་བ་མདོར་བསྟན་པའི་ལེའུ་སྟེ་བཅུ་དགུ་པའོ།། །། ཡང་སེམས་དཔའ་རྡོ་རྗེས་གསོལ་པ།། དེ་ཡི་སྣང
iiif viewer powered by OpenSeadragon
