| e-texts navigator |
| Wylie |
325a1 སྣང་།། བང་མཛོད་འཕྲུལ་གྱི་ལྡེའུ་མིག་ལས། མདོ་སྡེའི་ཐེག་པའི་ལྟ་བ་བསྟན་པའི་ལེའུ་སྟེ་བཅུ་བདུན་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། གསང་སྔགས་ལྟ་བ
325a2 ལྟར་ལགས།། གསང་བའི་བདག་པོས་བསྟན་དུ་གསོལ།། གསུངས་པ། སེམས་དཔའ་ཆེན་པོ་ཉོན་ཅིག། གསང་སྔགས་ཐུན་མོང་ལྟ་བ་ནི།། བདེན་པ་གཉིས་ཀྱི་མུ་བཟུང་སྟེ།། དོན་དམ་སྐྱེ་འགག་མེད་པར
325a3 འདོད།། ཀུན་རྫོབ་ཕྱག་རྒྱའི་དཀྱིལ་འཁོར་འདོད།། ཅུང་ཟད་ཕྱོགས་ཆ་མི་མཐུན་པ།། བྱ་བའི་རྒྱུད་ཀྱི་ཐེག་པ་ནི།། ཆོ་ག་ཡན་ལག་བཅུ་གཅིག་གིས།། བྱིན་གྱིས་བརླབས་ནས་ལྷ་རུ་འདོད།། དེ་ཡང་རྗེ་དང་ཁོལ་གྱི
325a4 ཚུལ།། གཉིས་ཀ་རྒྱུད་ཀྱིས་དཔོན་གཡོག་ཚུལ།། རྣལ་འབྱོར་རྒྱུད་ཀྱི་ཐེག་པས་ནི།། བྱང་ཆུབ་ལྔ་དང་ཆོ་འཕྲུལ་བཞིས།། ཡོངས་སུ་བརྟགས་ནས་ལྷ་རུ་འདོད།། དེ་ཡང་སྤྱན་དང་གྲོགས་པོའི་ཚུལ།། བསྐྱེད་པ་མ་ཧཱ་ཡོ
325a5 ག་ནི།། ཏིང་འཛིན་གསུམ་དང་བསྙེན་བསྒྲུབ་བཞིས།། ཡོངས་སུ་བརྟགས་ནས་ལྷ་རུ་འདོད།། ཡེ་ཤེས་དམ་ཚིག་ཚུལ་མི་འཛིན།། རྫོགས་པ་ཨ་ནུ་ཡོ་ག་ནི།། ཕུང་པོ་ཁམས་དང་སྐྱེ་མཆེད་རྣམས།། ལྷ་དང་ལྷ་མོའི
325a6 དཀྱིལ་འཁོར་དུ།། མ་བསྐྱེད་རྫོགས་པའི་ཚུལ་དུ་འདོད།། ཅེས་གསུངས་སོ།། བང་མཛོད་འཕྲུལ་གྱི་ལྡེ་མིག་ལས། སྔགས་ཐུན་མོང་གི་བལྟ་བ་བསྟན་པའི་ལེའུ་སྟེ་བཅོ་བརྒྱད་པའོ།། །། ཡང་གསོལ་པ། ཀྱེ་ཀྱེ
iiif viewer powered by OpenSeadragon
