| e-texts navigator |
| Wylie |
324b1 སུ་འདོད།། རྣམ་པ་བདེན་པའི་ལྟ་བ་ན།། ཕྱི་ཡི་ཡུལ་དང་ནང་གི་སེམས།། དོན་དམ་དུ་ནི་འབྲེལ་མེད་ཀྱང་།། ཀུན་རྫོབ་ཏུ་ནི་འབྲེལ་པར་འདོད།། ནང་གི་ཤེས་པ་སྐད་ཅིག་མ།། སྐད་ཅིག་ཆ་ཡིས་མི་རྟག་སྟེ།། དེ
324b2 ཉིད་རྒྱུན་གྱིས་རྟག་པའོ།། སྔ་མ་སྔ་མས་རྒྱུ་བྱས་ནས།། ཕྱི་མ་ཕྱི་མ་འབྲས་བུར་འདོད།། རྣམ་པར་རྫུན་པའི་བལྟ་བ་ནི།། ཤེས་པ་བདེན་ཏེ་རྣམ་པ་རྫུན།། རྣམ་པ་ཤེས་དང་མགོ་སྙོམས་པ།། ཡང་དག་ཡོད་པ་མ་ཡིན
324b3 ཏེ།། དོན་དམ་དུ་ན་ཨ་ཅང་ཆེས།། ཀུན་རྫོབ་ཏུ་ཡང་འབྲེལ་མེད་འདོད།། ཤེས་པ་རང་རིག་གསལ་བ་ཙམ།། དེ་ལས་གཞན་པའི་ཆོས་མི་འདོད།། རྣམ་མེད་དག་གི་ལྟ་བ་ནི།། གཉིས་མེད་ཡེ་ཤེས་ཤེལ་ལྟ་བུ།། རང
324b4 རིག་གསལ་བའི་ངོ་བོར་འདོད།། མདོ་སྡེ་སྤྱི་ཡི་དབུ་མ་ནི།། ཆོས་རྣམས་ཡུལ་སེམས་གཉིས་སུ་འདོད།། ཡུལ་གྱི་རྒྱུ་ནི་ཕྲ་རབ་རྡུལ།། ཕྱོགས་ཆར་གཞིག་ན་གཅིག་མ་གྲུབ།། གཅིག་མ་གྲུབ་པའི་གཏན་ཚིགས
324b5 ཀྱིས།། གཅིག་གིས་བསགས་པའི་དུ་མ་ཡང་།། ཡང་དག་ཉིད་དུ་མི་འདོད་དེ།། རང་གི་རང་བཞིན་སྟོང་པར་འདོད།། ནང་གི་ཤེས་པ་སྐད་ཅིག་མ།། སྔ་མ་འདས་ཏེ་མི་གནས་སྟོང་།། ཕྱི་མ་མ་འོངས་མི་གནས
324b6 སྟོང་།། ད་ལྟར་འགགས་པར་གྱུར་པས་སྟོང་།། དུས་གསུམ་ཆ་ཡིས་སྟོང་པར་འདོད།། རྣལ་འབྱོར་སྤྱོད་པའི་ལྟ་བ་ནི།། ཕྱི་ཡི་ཡུལ་ལྟར་སྣང་བ་ནི།། ཀུན་རྫོབ་སྒྱུ་མའི་ཚུལ་ཙམ་དུ།། འཇའ་ཚོན་སྒྱུ་མའི་ཚུལ་དུ
iiif viewer powered by OpenSeadragon
