| e-texts navigator |
| Wylie |
324a1 གསང་བའི་བདག་པོ་ལགས།། ཉན་ཐོས་ལྟ་བ་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་ཀྱེ་སེམས་དཔའ་ཆེན་པོ་ཉོན།། ཉན་ཐོས་ལྟ་བ
324a2 རྣམ་གཉིས་ཏེ།། བྱེ་བྲག་བ་དང་མདོ་སྡེའོ།། བྱེ་བྲག་དོན་དམ་རྡུལ་ཕྲན་ཆ།། ཆ་མེད་ཕྱོགས་དང་བཅས་པར་འདོད།། མདོ་སྡེ་གཡག་རྔ་ནེ་སེང་ཚུལ།། ཀུན་རྫོབ་སྒྱུ་མའི་ཚུལ་དུ་འདོད་པ་ཡིན།། རང་རྒྱལ་ཕྱོགས
324a3 གཅིག་དེ་དང་མཐུན།། དེ་ལས་ཁྱད་པར་འཕགས་པ་ནི།། རྣམ་པར་རིག་བྱེད་མ་ཡིན་པའི།། གཟུགས་ལ་བདག་མེད་ཁྱད་པར་འཕགས།། ནང་གི་ཤེས་པ་སྐད་ཅིག་མ།། སྐྱེ་འགག་ཅན་དེ་རྒྱུ་འབྲས་མེད།། ཅེས
324a4 གསུངས་སོ།། བང་མཛོད་འཕྲུལ་གྱི་ལྡེ་མིག་ལས། ཉན་ཐོས་རང་རྒྱལ་གྱི་ལྟ་བ་མདོར་བསྟན་པའི་ལེའུ་སྟེ་བཅུ་དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། མདོ་སྡེ་བྱང་ཆུབ་སེམས
324a5 དཔའ་ཡི།། དེ་ཡི་ལྟ་བ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། མདོ་སྡེའི་ལྟ་བ་གསུམ་ཡོད་དེ།། སེམས་ཙམ་ཡོད་པའི
324a6 དབུ་མ་དང་།། མདོ་སྡེ་སྤྲོད་པའི་དབུ་མའོ།། རྣལ་འབྱོར་སྤྱོད་པའི་དབུ་མའོ།། སེམས་ཙམ་ལ་ཡང་གཉིས་ཡོད་དེ།། རྣམ་བཅས་དང་ནི་རྣམ་མེད་དོ།། རྣམ་བཅས་ལ་ཡང་གཉིས་ཡོད་དེ།། རྣམ་པ་བདེན་རྫུན་གཉིས
iiif viewer powered by OpenSeadragon
