| e-texts navigator |
| Wylie |
323a1 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པའི་གོལ་སྒྲིབ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། སེམས
323a2 དཔའ་ཆེན་པོ་ཉོན་ཅིག། གོལ་སྒྲིབ་རང་གི་ངོ་བོ་ནི།། འོག་མ་འོག་མའི་བལྟ་བས་ནི།། གོང་མ་མ་མཐོང་སྒྲིབ་པ་ཡིན།། གོང་མ་གོང་མས་སྤྱོད་པ་ནི།། འོག་ལྟར་སྤྱད་པས་གོལ་ས་བྱུང་།། སྤྱིར་ན་གོལ་སྒྲིབ་དབྱེ་བ
323a3 ནི།། ལྟ་བའི་གོལ་སྒྲིབ་དབྱེ་བ་དང་།། ཐེག་པའི་གོལ་སྒྲིབ་བསྟན་པ་ནི།། གོལ་ས་སྤྱིར་ན་བཅོ་བརྒྱད་དེ།། སྒྲིབ་པ་སྐོར་གསུམ་སྤྱིར་བཅུ་གཉིས།། བསྡོམས་པས་སུམ་ཅུ་ཐམ་པའོ།། ལྟ་བའི་གོལ་སྒྲིབ་བསྟན་པ
323a4 ནི།། ལྟ་བ་དང་ནི་དམ་ཚིག་དང་།། ཕྲིན་ལས་དང་ནི་ཡེ་ཤེས་དང་།། ས་དང་ལམ་གྱི་རིམ་པ་དང་།། ཕྲ་བ་དང་ནི་རྒྱུད་དང་ནི།། ལུང་དང་མན་ངག་རྣམ་པ་བཅུ།། དེ་ལས་ཕྱེ་བས་གོལ་སྒྲིབ་ནི།། སུམ་ཅུ་དྲུག་ཅུའི
323a5 གྲངས་སུ་ཡོད།། ལ་ལ་དག་ལ་གོལ་ས་མང་།། ལ་ལ་གོལ་སྒྲིབ་མཉམ་པར་འདོད།། རྫོགས་ཆེན་ཨ་ཏི་ཡོ་ག་ལ།། གོལ་དང་མ་གོལ་གཉིས་སུ་མེད།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག
323a6 ལས།། གོལ་སྒྲིབ་རྣམ་པར་དབྱེ་བའི་ལེའུ་སྟེ་བཅུ་བཞི་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། འཇིག་རྟེན་པ་ཡི་ཐེག་པ་དང་།། འཇིག་རྟེན་འདས་པའི་ཐེག་པ་ཡི།། ལྟ་བའི་ཁྱད་པར་ཇི
iiif viewer powered by OpenSeadragon
