| e-texts navigator |
| Wylie |
322a1 དང་ཡན་ལག་བདུན་ལྔ་ཡང་།། རྩ་བའི་ལྟུང་བ་བཅུ་བཞི་བསྲུང་།། མ་ཧཱ་ཡོ་གའི་ཐེག་པ་ནི།། རྩ་བ་གསུམ་དང་ཡན་ལག་ལྔ།། ཕྱེ་བས་ཉི་ཤུ་རྩ་བརྒྱད་བསྲུང་།། ཨ་ནུ་ཡོ་གའི་ཐེག་པ་ནི།། སྣང་སྲིད་ཕྱག
322a2 རྒྱའི་དཀྱིལ་འཁོར་ནི།། མི་འདའ་རྒྱན་གྱི་དམ་ཚིག་བསྲུང་།། ཨ་ཏི་ཡོ་གའི་ཐེག་པ་ནི།། མེད་པ་དང་ནི་ཕྱལ་བ་དང་།། གཅིག་པུ་དང་ནི་ལྷུན་གྱིས་གྲུབ།། ཨ་ཏི་ཡོ་གའི་དམ་ཚིག་སྟེ།། དེ་ལས་འདས་ན་ཚིག་པར
322a3 འགྱུར།། སྤྱིར་ན་གསང་སྔགས་དམ་ཚིག་ནི།། བསྲུང་ན་བསམ་གྱིས་མི་ཁྱབ་སྟེ།། ས་མ་ཡ་ནི་འབུམ་སྟེ་ཡོད།། ཅི་བཞིན་པ་ཡི་ཆོས་ཉིད་ལ།། མ་བཅོས་པ་ཡི་བློ་བཞག་སྟེ།། གཉིས་སུ་མེད་པའི་ཡེ་ཤེས་ཏེ།། མཉམ
322a4 ཉིད་གཡོ་བ་མེད་པ་ནི།། དམ་ཚིག་ཐམས་ཅད་བསྲུང་བ་ཡིན།། ཉམས་པའི་ཆད་པ་བྱུང་བ་ལས།། མགོན་སྐྱབས་དེ་ལས་ཆེ་བ་མེད།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཐེག་པ་སོ་སོའི
322a5 བསྲུང་མཚམས་དང་། གསོ་ཐབས་བསྟན་པའི་ལེའུ་སྟེ་བཅུ་གཉིས་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། འཇིག་རྟེན་པ་ཡི་ཐེག་པ་དང་།། འཇིག་རྟེན་འདས་པའི་ཐེག་པ་ཡི།། སྤྱོད
322a6 པའི་ཕྲིན་ལས་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། ཆད་པར་ལྟ་བའི་སྤྱོད་པ་ནི།། རྒྱུ་ཡོད་འབྲས་བུ་མེད་བརྟགས
iiif viewer powered by OpenSeadragon
