| e-texts navigator |
| Wylie |
321b1 རང་ལྟ་སྤྱོད་རྩོལ་བས་བསྒྲིབས།། ནོར་བུ་རིན་ཆེན་མཐོང་བ་མེད།། ངེས་པའི་གསང་སྒོ་ཕྱེས་ནས་ནི།། གཉིས་མེད་ཡེ་ཤེས་སྒོར་ཞུགས་ཏེ།། རང་བྱུང་ཡེ་ཤེས་ཆེན་པོ་ཡིས།། མ་བཅོས་མཉམ་བཞག་མིག
321b2 གིས་བལྟས།། སྣང་མེད་སེམས་ཀྱི་དོན་མཐོང་བས།། མ་མཐོང་བ་ཡི་མཐོང་བའི་མིག། བརྒྱད་ཀྱིས་མ་མཐོང་རིན་པོ་ཆེ།། ཤིན་ཏུ་རྣལ་འབྱོར་ཆེན་པོའི་མིག་གིས་མཐོང་།། མཐོང་ཡང་དེ་ལ་ངོས་གཟུང་མེད།། ཐེག
321b3 པ་རིམ་པ་བརྒྱད་པོ་ཡིས།། རང་གི་གམ་དུ་བཞག་ནས་གཞན་དུ་བཙལ།། བསྐལ་པར་བཙལ་ཡང་མི་རྙེད་པས།། མདོངས་པས་ནམ་མཁར་བསྙེགས་པ་འདྲ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག
321b4 ལས། ཐེག་པའི་འཇུག་སྒོ་བསྟན་པའི་ལེའུ་སྟེ་བཅུ་གཅིག་པའོ།། །། ཡང་གསོལ་པ། ཀྱེ་ཀྱེ་གསང་བའི་དག་པོ་ལགས།། ཐེག་པའི་བསྲུང་མཚམས་ཇི་ལྟར་ལགས།། གསང་བའི་བདག་པོས་བསྟན་དུ
321b5 གསོལ།། གསང་བའི་བདག་པོས་གསུངས་པ། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། ཉན་ཐོས་རང་རྒྱལ་བསྲུང་མཚམས་ནི།། ཉིས་བརྒྱ་ལྔ་བཅུའི་འདུལ་ཁྲིམས་རྣམས།། དཀའ་ཐུབ་དྲག་པོས་བསྲུང་བར
321b6 བྱེད།། མདོ་སྡེའི་ཐེག་པའི་བསྲུང་མཚམས་ནི།། རྩ་བའི་སྡོམ་པ་བཞི་པོ་ལ།། ཕྱེ་བས་སྡོམ་པ་ཉི་ཤུ་བསྲུང་།། བྱ་བའི་རྒྱུད་ཀྱི་ཐེག་པ་ནི།། མི་ཉམས་ཡན་ལག་བདུན་པོ་བསྲུང་།། ཡོ་ག་པ་ཡི་ཐེག་པ་ནི།། རྩ་བ་གསུམ
iiif viewer powered by OpenSeadragon
