| e-texts navigator |
| Wylie |
321a1 ཉིད་ཐེག་པའི་སྒོ་ཕྱེ་སྟེ།། ལ་ལ་བདེན་བཞིའི་སྒོ་ནས་འཇུག། ལ་ལ་རྟེན་འབྲེལ་སྒོ་ནས་འཇུག། ལ་ལ་བདེན་གཉིས་སྒོར་ཞུགས་ནས།། ཀུན་གཞི་སེམས་ཀྱི་ཁང་བུ་ན།། ནོར་བུ་རིན་ཆེན་ཡོད་པ
321a2 དེ།། ཕྲ་རགས་ཤེས་པའི་སྒྲིབ་པས་བསྒྲིབས།། ནོར་བུ་རིན་ཆེན་དེ་རུ་སྟོར།། ཐབས་ཀྱི་སྦྱོར་བའི་སྒོ་ཕྱེ་བས།། དག་པ་གསུམ་གྱི་སྒོར་ཞུགས་ཏེ།། ཀུན་གཞི་སེམས་ཀྱི་ཁང་བུ་ན།། ནོར་བུ་རིན་ཆེན་ཡོད་པ
321a3 དེ།། གཟུང་འཛིན་ཕྲ་མོའི་རྟོག་པས་བསྒྲིབས།། ནོར་བུ་རིན་ཆེན་དེ་རུ་སྟོར།། ལྷ་སྤྱོད་གཉིས་ཀྱི་སྒོར་ཞུགས་ནས།། ཀུན་གཞི་སེམས་ཀྱི་ཁང་བུ་ན།། ནོར་བུ་རིན་ཆེན་ཡོད་པ་དེ།། ཡེ་རྔམས་ཆོས་ཀྱི་སྒྲིབ་པས
321a4 བསྒྲིབས།། ནོར་བུ་རིན་ཆེན་དེ་རུ་སྟོར།། ཕྱག་རྒྱ་བཞི་ཡི་སྒོར་ཞུགས་ནས།། ཀུན་གཞི་སེམས་ཀྱི་ཁང་བུ་ན།། ནོར་བུ་རིན་ཆེན་ཡོད་པ་དེ།། བླང་དོར་གཉིས་ཀྱི་རྟོག་པས་བསྒྲིབས།། ནོར་བུ་རིན་ཆེན་དེ་རུ
321a5 སྟོར།། ཐབས་དང་ཤེས་རབ་སྒོ་ཕྱེ་ནས།། ཀུན་གཞི་སེམས་ཀྱི་ཁང་བུ་ན།། ནོར་བུ་རིན་ཆེན་ཡོད་པ་དེ།། རྩོལ་ཞིང་བསྒྲུབ་པའི་སྒྲིབ་པས་བསྒྲིབས།། ནོར་བུ་རིན་ཆེན་དེ་རུ་སྟོར།། དབྱིངས་དང་ཡེ་ཤེས་སྒོར་ཞུགས
321a6 ནས།། ཀུན་གཞི་སེམས་ཀྱི་ཁང་བུ་ན།། ནོར་བུ་རིན་ཆེན་ཡོད་པ་དེ།། རྒྱུ་འབྲས་འདས་པའི་སྒྲིབ་པས་བསྒྲིབས།། ནོར་བུ་རིན་ཆེན་དེ་རུ་སྟོར།། རིམ་པ་བརྒྱད་ཀྱི་བལྟ་བ་ཡིས།། རང་ལ་ཡོད་པའི་རིན་པོ་ཆེ།། རང
iiif viewer powered by OpenSeadragon
