| e-texts navigator |
| Wylie |
320b1 པས།། འབྲས་བུ་བདེ་དང་སྡུག་བསྔལ་འདོད།། ཆོས་སྤྱོད་དགེ་བས་རྒྱུ་བྱེད་ནས།། དེ་ཉིད་ལམ་དུ་འཁྱེར་བའི་ཕྱིར།། རྒྱུ་ཡི་ཐེག་པར་བསྟན་པ་ཡིན།། འབྲས་བུ་རྡོ་རྗེའི་ཐེག་པ་ནི།། ཕྱག་རྒྱའི་དཀྱིལ་འཁོར་ལམ
320b2 བྱས་ནས།། འབྲས་བུ་དེ་ཉིད་ལམ་དུ་ཁྱེར།། རང་གི་ལུས་ངག་ཡིད་གསུམ་ནི།། སྐུ་གསུང་ཐུགས་ཀྱི་རྡོ་རྗེར་སྦྱོར།། དེ་ཕྱིར་རྡོ་རྗེ་ཐེག་པར་བཏགས།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཐེག
320b3 པའི་ངེས་ཚིག་བསྟན་པའི་ལེའུ་སྟེ་བཅུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པའི་འཇུག་སྒོ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས
320b4 གསུངས་པ། སེམས་དཔའ་ཆེན་པོ་ཉོན་ཅིག། ཐེག་པའི་འཇུག་སྒོ་བཞི་ཡོད་དེ།། མུན་པ་དག་གི་འཁོར་སྒོ་དང་།། སྤྱོད་པའི་འདྲེན་སྒོ་དེ་དང་གཉིས།། ཐབས་ཀྱི་སྦྱོར་སྒོ་དེ་དང་གསུམ།། ངེས་པའི་གསང་སྒོ་དེ་དང
320b5 བཞི།། མུན་པའི་འཁོར་སྒོ་ཕྱེ་བ་ནི།། ཉོན་མོངས་དུག་གསུམ་སྒོ་ཡིས་བཅད།། ཉོན་མོངས་དུག་གསུམ་སྒོ་ཕྱེ་བས།། ཀུན་གཞི་སེམས་ཀྱི་ཁང་བུ་ན།། རང་ལ་ཡོད་པའི་རིན་པོ་ཆེ།། གཟུང་འཛིན་རྣམ་རྟོག་མཚན་མས
320b6 སྦས།། ནོར་བུ་རིན་ཆེན་དེ་རུ་སྟོར།། སྤྱོད་པའི་འདྲེན་སྒོ་ཕྱེ་བ་ནི།། མདོ་སྡེ་འདུལ་བ་མངོན་པ་གསུམ།། སྡེ་སྣོད་གསུམ་གྱི་སྒོ་ཡིས་བཅད།། སྡེ་སྣོད་གསུམ་གྱི་སྒོ་ཕྱེ་ནས།། ཆོས་སྤྱོད་དགེ་བའི་ལྡེ་མིག་གིས།། མཚན
iiif viewer powered by OpenSeadragon
