| e-texts navigator |
| Wylie |
320a1 གསུམ་འཁྲུལ་ཡིན།། དེ་བཟློག་པ་ནི་དངོས་ཀྱི་དབང་།། ཡིན་མིན་ཐ་སྙད་སྒྲོ་སྐུར་ཀུན་དང་བྲལ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། དངོས་བསམ་གྱི་ཁྱད་པར་འབྱེད་པའི
320a2 ལེའུ་སྟེ་བརྒྱད་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སེམས་ཉིད་ཐིག་ལེ་ཉག་གཅིག་ལ།། ཐེག་པ་དགུ་རུ་ཕྱེ་བ་ཡི།། དེ་ཡི་གཏན་ཚིགས་ཅི་ལྟར་ལགས།། གསང་བའི་བདག་པོས
320a3 གསུངས་པ།། སེམས་དཔའ་ཆེན་པོ་ཉོན་ཅིག། སེམས་ཀྱི་རང་བཞིན་གཅིག་མོད་ཀྱང་།། སེམས་ཀྱི་མཚན་ཉིད་མི་འདྲ་སྟེ།། དབང་པོ་རབ་འབྲིང་གསུམ་དུ་འབྱུང་།། དབང་པོ་རབ་ཀྱི་དོན་དུ་ནི།། ནང་པའི་བསྐྱེད
320a4 རྫོགས་གསུམ་དུ་བསྟན།། དབང་པོ་འབྲིང་གི་དོན་དུ་ནི།། ཕྱི་ཡི་ཀྲི་ཡོག་རྣམས་གསུམ་བསྟན།། དབང་པོ་ཐ་མའི་དོན་དུ་ནི།། སྡེ་སྣོད་གསུམ་གྱི་ཐེག་པ་བསྟན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག
320a5 ལས། ཐེག་པ་དགུའི་གཏན་ཚིགས་བསྟན་པའི་ལེའུ་སྟེ་དགུ་པའོ།། །། ཡང་གསོལ་པ།། ཀྱེ་ཀྱེ་གསང་བའི་བདག་པོ་ལགས།། སྡེ་སྣོད་གསུམ་གྱི་ཐེག་པ་ལ།། མཚན་ཉིད་དགུ་རུ་བསྟན་པ་ཅི་ཕྱིར་ལགས།། ནང
320a6 པ་སྔགས་ཀྱི་ཐེག་པ་ལ།། འབྲས་བུ་རྡོ་རྗེར་ཅི་ལྟར་བཏགས།། གསང་བའི་བདག་པོས་བསྟན་དུ་གསོལ།། གསུངས་པ། སེམས་དཔའ་ཆེན་པོ་ཉོན་ཅིག། མཚན་ཉིད་རྒྱུ་ཡི་ཐེག་པ་ནི།། དགེ་སྡིག་ལས་ཀྱིས་རྒྱུ་བྱས
iiif viewer powered by OpenSeadragon
