| e-texts navigator |
| Wylie |
31b1 པའི་སྟོན་པ་ཀུན་བྱེད་ཀྱིས།། ཀུན་བྱས་ཕུན་སུམ་ཚོགས་པར་བྱས།། ཕུན་སུམ་ཚོགས་པ་མངོན་ཕྱུང་བ།། རང་གི་རང་བཞིན་མངོན་ཕྱུང་བས།། རང་གི་རང་བཞིན་ཡིན་པར་རྟོགས།། རང་གི་ངོ་བོ་ཡིན་པར
31b2 རྟོགས།། དེ་ལ་གཞན་ཡིན་མ་རྟོགས་པར།། རང་ཉིད་ཡིན་པར་ཀུན་གྱིས་རྟོགས།། རང་ཉིད་ཡིན་པར་མ་རྟོགས་ཏེ།། ཡུལ་དེ་རང་དུ་མ་རྟོགས་པར།། ཡུལ་དེ་དགྲ་དང་ཚེར་བརྟགས་ནས།། རང་གི་རང་བཞིན་དེ
31b3 སྤངས་ནས།། བསྐལ་པ་བརྒྱ་ཕྲག་ཡུན་རིང་དུ།། ཆོས་ཉིད་རང་གི་སེམས་མི་མཐོང་།། རང་སེམས་ཆོས་ཉིད་མ་མཐོང་ན།། བསྐལ་པ་བརྒྱ་ཕྲག་ཡུན་རིང་དུ།། རང་གི་བྱང་ཆུབ་དེ་སྤོང་འགྱུར།། བྱ་མེད་བདེ་ཆེན་དེ
31b4 མི་ཐོབ།། ཡུལ་དེ་རང་དུ་མ་རྟོགས་པར།། ཡུལ་དེ་རྐྱེན་གྱིས་དགྲར་བརྟགས་ནས།། རང་གི་རང་བཞིན་དེ་བཀག་ན།། བསྐལ་པ་བརྒྱ་ཕྲག་ཡུན་རིངས་སུ།། ཆོས་ཉིད་རང་གི་སེམས་མི་མཐོང་།། རང་སེམས་ཆོས་ཉིད
31b5 མ་མཐོང་ན།། བསྐལ་པ་བརྒྱ་ཕྲག་ཡུན་རིང་དུ།། རང་གི་བྱང་ཆུབ་དེ་འགེགས་པས།། བྱ་མེད་བདེ་ཆེན་དེ་མི་ཐོབ།། ཡུལ་དེ་རང་དུ་མ་རྟོགས་པར།། ཡུལ་དེ་སྦྱང་བའི་ཡུལ་མཐོང་ནས།། རང་གི་རང་བཞིན་སྦྱོང་བྱེད
31b6 ན།། བསྐལ་པ་ཆེན་པོ་གསུམ་བར་དུ།། ཆོས་ཉིད་རང་གི་སེམས་མི་མཐོང་།། རང་སེམས་ཆོས་ཉིད་མ་མཐོང་སྟེ།། རང་སེམས་སྦྱང་མེད་གདིང་དང་བྲལ།། ཡུལ་དེ་བྱང་ཆུབ་རང་དག་ལ།། གཟུང་འཛིན་དྲི་མ་ཡོད
iiif viewer powered by OpenSeadragon
