| e-texts navigator |
| Wylie |
31a1 མངོན་དུ་ཕྱུང་།། ཀྱེ་སེམས་དཔའ་ཆེན་པོ།། མངོན་དུ་ཕྱུང་བ་ཞེས་བྱ་བ།། གང་གིས་གང་མངོན་ཕྱུང་བ་ནི།། གང་གིས་ང་ཡིས་མངོན་དུ་ཕྱུང་།། གང་ཞིག་མངོན་དུ་ཕྱུང་བ་ནི།། སེམས་དེ་ཉིད་དེ་མངོན
31a2 དུ་ཕྱུང་།། གང་གི་དོན་དུ་མངོན་ཕྱུང་ན།། ཡུལ་ལ་སོ་སོར་ལྟ་བ་ཡི།། འཁོར་གྱི་དོན་དུ་མངོན་ཕྱུང་ཡིན།། ལ་ལ་སྤོང་བའི་དོན་དུ་ཕྱུང་།། ལ་ལ་འགེགས་པའི་དོན་དུ་ཕྱུང་།། ལ་ལ་སྤྱོད་པའི་དོན་དུ་ཕྱུང་།། ལ་ལ་དག
31a3 བྱེད་དོན་དུ་ཕྱུང་།། ལ་ལར་བླང་དོར་དོན་དུ་ཕྱུང་།། ལ་ལར་བདག་ཉིད་དོན་དུ་ཕྱུང་།། ལ་ལས་སྤང་བའི་ཡུལ་དུ་མཐོང་།། ལ་ལས་དགག་པའི་ཡུལ་དུ་མཐོང་།། ལ་ལས་སྤྱོད་པའི་ཡུལ་དུ་མཐོང་།། ལ་ལས་དག་བྱའི
31a4 ཡུལ་དུ་མཐོང་།། ལ་ལས་བླང་དོར་ཡུལ་དུ་མཐོང་།། ལ་ལས་དབང་བསྡུའི་ཡུལ་དུ་མཐོང་།། རྒྱུ་དང་འབྲས་བུའི་སྟོན་པ་ཡི།། འཁོར་ཚོགས་རྣམས་ཀྱིས་དེ་ལྟར་མཐོང་།། སེམས་དཔའ་ཆེན་པོ།། ང་ཡི་རང་བཞིན
31a5 མངོན་ཕྱུང་བ།། འདི་ནི་ངེས་པར་ལུང་སྟོན་ཅིག། ང་ནི་ཁྱེད་ཀྱི་ངོ་བོ་སྟེ།། ང་ཡི་རང་བཞིན་ཕྱུང་བ་དེ།། ཁྱེད་ཀྱི་རང་བཞིན་ཕྱུང་བ་ཡིན།། ཁྱེད་ཀྱི་རང་བཞིན་ཕྱུང་བ་དེས།། རང་གི་རང་བཞིན་ཤེས་པར་གྱིས།། རང
31a6 གི་ངོ་བོ་ཤེས་པར་གྱིས།། རྒྱུ་འབྲས་འཁོར་ལ་ལུང་སྟོན་ཅིག། ཅེས་གསུངས་སོ།། དེ་ནས་སེམས་དཔའ་རྡོ་རྗེ་དེས་རྒྱུ་འབྲས་ཀྱི་འཁོར་ལ་འདི་སྐད་ཅེས་གསུངས་སོ།། ཀྱེ་རྒྱུ་དང་འབྲས་བུའི་སྟོན་འཁོར་རྣམས།། སྟོན
iiif viewer powered by OpenSeadragon
