| e-texts navigator |
| Wylie |
319b1 ཡིན།། རྩོལ་བསྒྲུབ་འདས་པའི་བྱང་ཆུབ་སེམས།། དེ་ནི་རྣལ་འབྱོར་ཆེན་པོ་ཡིན།། རྒྱུ་འབྲས་འདས་པའི་བྱང་ཆུབ་སེམས།། དེ་ནི་ཡོངས་སུ་རྣལ་འབྱོར་ཡིན།། སྒྲོ་སྐུར་འདས་པའི་བྱང་ཆུབ་སེམས།། དེ་ནི་ཤིན་ཏུ
319b2 རྣལ་འབྱོར་ཡིན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཡོ་གའི་དོན་གྱི་བཤད་ལུགས་ལས། རྣལ་འབྱོར་རྣམ་བཞིའི་བྱེ་བྲག་བསྟན་པའི་ལེའུ་སྟེ་བདུན་པའོ།། །། ཡང་གསོལ་པ།། ཀྱེ་ཀྱེ
319b3 གསང་བའི་བདག་པོ་ལགས།། དངོས་དང་བསམ་གྱི་བྱེ་བྲག་ཅི།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། བརྟགས་པ་ཐམས་ཅད་བློ
319b4 ཡིས་བརྟགས།། བཟུང་བ་ཐམས་ཅད་བློ་ཡིས་བཟུང་།། ཕྱེ་བ་ཐམས་ཅད་བློ་ཡིས་ཕྱེ།། བརྗོད་པ་ཐམས་ཅད་བློ་ཡིས་བརྗོད།། སྣང་བ་ཐམས་ཅད་བློ་ལ་སྣང་།། གྲུབ་པ་ཐམས་ཅད་བློ་ལས་གྲུབ།། སྐུ་དང་ཡེ་ཤེས
319b5 དོན་དམ་བདེན།། བསམ་དབང་ཕྱོགས་ན་གྲགས་པ་ལས།། དངོས་དབང་ཕྱོགས་ན་དེ་མི་གྲག། ཅི་སྣང་ཅི་སྲིད་ཐམས་ཅད་ཀུན།། བསམ་དབང་འཁྲུལ་པའི་ངོས་ལ་སྣང་།། སངས་རྒྱས་སྐུ་དང་ཡེ་ཤེས
319b6 དང་།། སེམས་ཅན་ལུས་དང་བག་ཆགས་ནི།། འཁྲུལ་པ་རང་གི་ངོ་བོ་ཡིན།། དེ་བརྟགས་བློ་ལ་སྣང་བ་ནི།། འཁྲུལ་པ་འཁྲུལ་ནས་འཁྲུལ་པའི་ཡུལ་དུ་སྣང་།། ཐོ་མི་ཐག་སྦྲུལ་སྨིག་རྒྱུ་ཆུར།། ལོག་པའི་ཀུན་རྫོབ
iiif viewer powered by OpenSeadragon
