| e-texts navigator |
| Wylie |
319a1 གསོལ།། གསུངས་པ། སེམས་དཔའ་ཆེན་པོ་ཉོན་ཅིག། ཡུལ་དང་དབང་པོ་རྣམ་པར་མི་རྟོག་སེམས།། དེ་ནི་སེམས་དཔའི་རྣལ་འབྱོར་ཡིན།། བྱང་ཆུབ་ཡན་ལག་ཆོ་འཕྲུལ་འབྱིན་པ་ནི།། དེ་ནི་རྣལ
319a2 འབྱོར་ཆེན་པོ་ཡིན།། ཕྱག་རྒྱ་བཞི་དང་ལྡན་པ་ནི།། དེ་ནི་ཡོངས་སུ་རྣལ་འབྱོར་ཡིན།། ཡེ་ཤེས་དམ་ཚིག་རང་བཞིན་མེད་བལྟ་བ།། དེ་ནི་ཤིན་ཏུ་རྣལ་འབྱོར་ཡིན།། ཞེས་གསུངས་སོ།། ཡང་གསུངས་པ། རང་རྒྱུད་དག
319a3 པའི་ཡེ་ཤེས་དེ་ནི་སེམས་དཔའི་རྣལ་འབྱོར་ཡིན།། ཏིང་འཛིན་རྣམ་གསུམ་རིམ་གྱིས་སུས་བསྒོམ་པ།། དེ་ནི་རྣལ་འབྱོར་ཆེན་པོ་ཡིན།། བསྙེན་བསྒྲུབ་བཞི་ཡི་འཕྲོ་འདུ་རྫོགས་བྱེད་པ།། དེ་ནི་ཡོངས་སུ་རྣལ་འབྱོར
319a4 ཡིན།། སརྦ་བདག་ཉིད་ཆེན་པོར་བལྟ་བ་ནི།། དེ་ནི་ཤིན་ཏུ་རྣལ་འབྱོར་ཡིན།། ཞེས་གསུངས་སོ།། ཡང་གསུངས་པ། ཏིང་འཛིན་རྣམ་གསུམ་རིམ་གྱིས་མི་བསྒོམ་པར།། རང་རྒྱུད་དག་པས་ཡེ་ཤེས་བལྟ་བྱེད་པ།། དེ
319a5 སེམས་དཔའི་རྣལ་འབྱོར་ཡིན།། ཡབ་ཡུམ་ཐབས་དང་ཤེས་རབ་མི་བསྒོམ་པར།། སྙིང་པོ་ཙམ་གྱིས་དཀྱིལ་འཁོར་རྫོགས་བྱེད་པ།། དེ་ནི་རྣལ་འབྱོར་ཆེན་པོ་ཡིན།། རྒྱུ་དབྱིངས་འབྲས་བུ་ཡེ་ཤེས་ལྷ་བྱེད་པ།། དེ
319a6 ནི་ཡོངས་སུ་རྣལ་འབྱོར་ཡིན།། དབྱིངས་དང་ཡེ་ཤེས་གཉིས་མེད་པ།། དེ་ནི་ཤིན་ཏུ་རྣལ་འབྱོར་ཡིན།། ཞེས་གསུངས་སོ།། ཡང་གསུངས་པ།། བླང་དོར་མེད་པའི་བྱང་ཆུབ་སེམས།། དེ་ནི་སེམས་དཔའི་རྣལ་འབྱོར
iiif viewer powered by OpenSeadragon
