| e-texts navigator |
| Wylie |
318b1 པོ་གབ་པ་ནི།། དཔེར་ན་དུག་དང་དུག་སྨན་འདྲ།། མ་རིག་པ་ཡི་འཁྲུལ་རྟོག་ལ།། རང་བྱུང་ཡེ་ཤེས་གབ་པ་ནི།། རིན་ཆེན་འདམ་གྱིས་གཡོགས་པ་འདྲ།། རྒྱལ་བས་གསུངས་པའི་མདོ་རྒྱུད་ལ།། དགོངས་པ་ཟབ་མོ
318b2 གབ་པ་ནི།། དཔེར་ན་མེ་ཤེལ་ཆུ་ཤེལ་འདྲ།། བླ་མ་རྡོ་རྗེའི་ཐུགས་མཛོད་ལ།། གདམས་ངག་ཟབ་མོ་གབ་པ་ནི།། བུམ་པའི་ནང་གི་མར་མེ་འདྲ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། གབ་པ
318b3 ངོས་བཟུང་བའི་ལེའུ་སྟེ་ལྔ་པའོ།། །། དེ་ནས་སེམས་དཔའ་རྡོ་རྗེས་ཡང་གསོལ་པ།། ཀྱེ་ཀྱེ་གསང་བའི་བདག་པོ་ལགས།། རྩ་བའི་དོན་ནི་ཅི་ལྟར་བཤད།། གསང་བའི་བདག་པོས་བསྟན་དུ་གསོལ།། གསང
318b4 བའི་བདག་པོས་གསུངས་པ།། བྱང་ཆུབ་སེམས་ཀྱི་ཆོས་ཉིད་དེ།། ཡོད་ནི་གཅིག་ལས་མེད་པ་ལ།། བྱུང་ནི་སྣང་སྲིད་ཀུན་ཏུ་བྱུང་།། ཁྱབ་ནི་སྣོད་བཅུད་ཀུན་ལ་ཁྱབ།། བསྟན་ནི་ཐེག་པ་དགུ་རུ་བསྟན།། འདུས་ནི་བྱང
318b5 ཆུབ་སེམས་སུ་འདུས།། ཡིན་ནི་ཆོས་ཀྱི་སྐུ་ཡིན་ཏེ།། བསྟན་དུ་མེད་པས་དངོས་པོ་མེད།། གཟུང་དུ་མེད་པའི་ཡུལ་ལས་འདས།། མཚོན་དུ་མཚུངས་པ་གང་ཡང་མེད།། ཅེས་སོ།། བང་མཛོད་འཕྲུལ་གྱི་ལྡེའུ་མིག་ལས།།
318b6 རྩ་བ་དོན་གྱི་བཤད་ལུགས་ཀྱི་ལེའུ་སྟེ་དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཡོ་གའི་དོན་ནི་ཅི་ལྟར་བཤད།། རྣལ་འབྱོར་བཞི་ཡི་བྱེ་བྲག་ཅི།། གསང་བའི་བདག་པོས་བསྟན་དུ
iiif viewer powered by OpenSeadragon
