| e-texts navigator |
| Wylie |
318a1 གབ་ནས་བག་ལ་ཉལ།། འཁོར་བ་རྒྱ་མཚོ་སེམས་ཀྱི་ཀློང་དཀྱིལ་ན།། སངས་རྒྱས་གསེར་གྱི་ཉ་མོ་གབ་ནས་བག་ལ་ཉལ།། འགྲོ་དྲུག་སྡུག་བསྔལ་རྒྱ་མཚོའི་ཀློང་དཀྱིལ་ན།། བདེ་ཆེན་གསེར་གྱི་ཉ་མོ
318a2 གབ་ནས་བག་ལ་ཉལ།། མ་རིག་འཁྲུལ་པའི་རྒྱ་མཚོའི་ཀློང་དཀྱིལ་ན།། ཡེ་ཤེས་གསེར་གྱི་ཉ་མོ་གབ་ནས་བག་ལ་ཉལ།། རྒྱལ་བའི་མདོ་རྒྱུད་རྒྱ་མཚོའི་ཀློང་དཀྱིལ་ན།། དགོངས་པ་གསེར་གྱི་ཉ་མོ་གབ་ནས་བག་ལ
318a3 ཉལ།། རྡོ་རྗེ་སློབ་དཔོན་ཐུགས་ཀྱི་ཀློང་དཀྱིལ་ན།། གདམས་ངག་གསེར་གྱི་ཉ་མོ་གབ་ནས་བག་ལ་ཉལ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། གསེར་གྱི་ཉ་མོ་གབ་ནས་བག་ལ་ཉལ་བའི
318a4 ལེའུ་སྟེ་བཞི་པའོ།། །། དེ་ནས་སེམས་དཔའ་རྡོ་རྗེ་དེས། གསང་བའི་བདག་པོ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་གསང་བའི་བདག་པོ་ལགས།། གབ་པ་ངོས་བཟུང་ཅི་ལྟར་བཟུང་།། གསང་བའི་བདག་པོས
318a5 བསྟན་དུ་གསོལ།། གསང་བའི་བདག་པོས་བསྟན་པ།། ཆོས་ཅན་མཚན་མར་སྣང་བ་ལ།། ཆོས་ཉིད་ངོ་བོ་གབ་པ་ནི།། དཔེར་ན་འཇའ་ཚོན་ཆུ་ཟླ་འདྲ།། ཀུན་རྫོབ་སྒྱུ་མའི་བདེ་བ་ལ།། དོན་དམ་བདེ་བ་གབ་པ
318a6 ནི།། དཔེར་ན་རྨི་ལམ་གཟུགས་དང་འདྲ།། ཁམས་གསུམ་འཁོར་བའི་སེམས་ཅན་ལ།། དུས་གསུམ་སངས་རྒྱས་གབ་པ་ནི།། དཔེར་ན་མར་དང་འོ་མ་འདྲ།། ཁམས་གསུམ་འཁོར་བའི་སྡུག་བསྔལ་ལ།། བདེ་བ་ཆེན
iiif viewer powered by OpenSeadragon
