| e-texts navigator |
| Wylie |
317b1 མངོན་གྱུར་ཆོས་ཀྱི་སྐུ།། དེ་ལས་གཟུགས་སྐུ་རྣམ་པ་གཉིས།། ཉི་ཟླའི་འོད་དང་གཟུགས་བརྙན་བཞིན།། ཐོགས་པ་མེད་པར་ཤུགས་ཀྱི་འབྱུང་།། བསྟན་པ་ཐེག་པ་དགུར་བཀོད་ནས།། གང་འཐད་ཡུལ་ལ་འདེབས
317b2 སུ་གཞུག། འབྲས་བུ་སེམས་ཀྱི་བླ་མ་ནི།། ཤེས་པ་སོ་མ་མ་བཅོས་པ།། འབྲས་བུ་རང་སྣང་སྐུ་གསུམ་ཚུལ།། རང་བཞིན་ཆོས་ཀྱི་སྐུ་རུ་སྣང་།། ངོ་བོ་ལོངས་སྤྱོད་རྫོགས་སྐུར་སྣང་།། ཐུགས་རྗེ་སྤྲུལ་པའི་སྐུ་རུ
317b3 སྣང་།། སེམས་རྒྱུད་གཅིག་གི་ངོ་བོ་ལ།། སྟོན་པ་སྐུ་གསུམ་རང་བཞིན་གནས།། རང་སྣང་ཆོས་ཀྱི་བླ་མ་ནི།། འབྱུང་ཆེན་ལྔ་ཡི་བླ་མ་དང་།། འདོད་ཡོན་ལྔ་སོགས་བླ་མ་ཡིས།། ཚིག་དང་ཡི་གེས་མི་སྟོན་པར།། རང
317b4 གི་ངོ་བོས་ཆོས་སྟོན་པ།། བདག་གཞན་གཉིས་སུ་མི་རྟོག་པ།། རང་སྣང་ངོ་བོས་ཆོས་སྟོན་ཏོ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། རང་སེམས་སྟོན་པར་བྱུང་བའི་ལེའུ་སྟེ་གསུམ
317b5 པའོ།། །། དེ་ནས་སེམས་དཔའ་རྡོ་རྗེས་ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སྦས་པ་གབ་པའི་དོན་ཅི་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས
317b6 པ།། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། ཆོས་ཅན་མཚན་མ་རྒྱ་མཚོའི་ཀློང་དཀྱིལ་ན།། ཆོས་ཉིད་གསེར་གྱི་ཉ་མོ་གབ་ནས་བག་ལ་ཉལ།། ཀུན་རྫོབ་སྒྱུ་མ་རྒྱ་མཚོའི་ཀློང་དཀྱིལ་ན།། དོན་དམ་གསེར་གྱི་ཉ་མོ
iiif viewer powered by OpenSeadragon
