| e-texts navigator |
| Wylie |
317a1 དང་ངོ་སྤྲད་དེ།། བྱང་ཆུབ་སེམས་དང་དོན་སྦྱར་ནས།། དགོངས་པ་མཆོག་བསྡེབ་དག་ཏུ་བཤད།། ཐུན་མོང་ཚོགས་ལ་བཤད་ཙམ་ན།། དཀྱུས་འགྲོས་བསྲང་ཞིང་ཚིག་འབྲུ་གཉེར།། ཁྱད་པར་སློབ
317a2 མར་ཁྲིད་ཙམ་ན།། མན་ངག་གནང་བསྡེབ་ཁྲིགས་སུ་བཤད།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། བྱང་ཆུབ་སེམས་བཤད་པའི་ལེའུ་སྟེ་གཉིས་པའོ།། །། དེ་ནས་སེམས་དཔའ་རྡོ་རྗེས་ཡང
317a3 གསོལ་པ། ཀྱེ་གསང་བའི་བདག་པོ་ལགས།། རང་སེམས་བླ་མར་སྣང་བའི་དོན།། དེ་དོན་བདག་ལ་བསྟན་དུ་གསོལ།། གསང་བའི་བདག་པོས་གསུངས་པ།། རང་སེམས་བླ་མར་སྣང་བ་ལ།། དེ་ལ་རྣམ་པ་གསུམ
317a4 ཡོད་དེ།། སེམས་ཉིད་རྒྱུ་ཡི་བླ་མ་དང་།། འབྲས་བུ་སེམས་ཀྱི་བླ་མ་དང་།། རང་སྣང་ཆོས་ཀྱི་བླ་མའོ།། སེམས་ཉིད་རྒྱུ་ཡི་བླ་མ་ནི།། རྟོག་གེ་སྐམ་པོ་རིགས་ཆད་པ།། ལོག་སྲེད་ཅན་ནི་མ་ཡིན་ཏེ།། རྟོག་པ་ཡེ་ཤེས་བློ
317a5 དམན་གྱི།། འཁོར་འདས་གཉིས་ལ་བརྟགས་བྱས་པས།། བདེ་དང་སྡུག་བསྔལ་གཉིས་སུ་མཐོང་།། བསྡེ་སྡུག་གཉིས་ལ་བརྟགས་བྱས་པས།། དགེ་སྡིག་གཉིས་ལས་བྱུང་བར་དྲན།། དྲན་པའི་སེམས་ཀྱིས་དད་པ
317a6 བསྐུལ།། དད་པའི་སེམས་ཀྱིས་བརྩོན་འགྲུས་བསྐུལ།། བརྩོན་འགྲུས་ཆེན་པོའི་བླ་མ་དེས།། ཤེས་རབ་རྣམ་གསུམ་བློ་བྱས་ཏེ།། ཏིང་འཛིན་དོན་ལ་ནན་ཏན་བསྒོམ།། ཏིང་འཛིན་མཐུ་བརྟས་ཡེ་ཤེས་རྒྱས།། ཡེ་ཤེས
iiif viewer powered by OpenSeadragon
