| e-texts navigator |
| Wylie |
316a1 དཔལ་བཤེས་གཉེན་རི་རབ་སྐེད་ནས་བཤད།། དགའ་བོ་འཇོག་པོས་རྒྱ་མཚོའི་གཏིང་ནས་མཉན།། མཉན་ནས་ཟོས་པ་མ་ཡིན་ཏེ།། བྱིན་གྱི་རླབས་ཀྱིས་གོ་བར་ཟད།། བྱིན་གྱི་རླབས་ཀྱིས་བཤད
316a2 ཅེས་དེ་ལ་བྱ།། ལོངས་སྤྱོད་རྫོགས་པའི་བཤད་ལུགས་ནི།། རང་གི་ངོ་བོས་བཤད་པ་སྟེ།། ལྡེམ་དགོངས་དོན་ལ་དགོངས་ནས་ནི།། མཚན་དང་ལྡན་པ་སྐུའི་སྒོ་ནས།། དེ་བཞིན་གསུང་མཆོག་མི་སྨྲ་ཡང་།། སྐུ་ཡིས
316a3 ཆོས་རྣམས་འཇལ་བར་སྟོན།། འབྱུང་ཆེན་བརྒྱན་པའི་སྐུ་ལྔས་ཀྱང་།། ཚིག་དང་ཡི་གེར་མི་སྨྲ་སྟེ།། རང་གི་ངོ་བོས་ཆོས་སྟོན་པ།། བདག་ཏུ་མི་རྟོག་གཞན་མི་རྟོག། རང་སྣང་ངོ་བོས་ཆོས་སྟོན་ཏོ།། སྤྲུལ་པའི་སྐུ་ཡིས
316a4 བཤད་ལུགས་ནི།། རིགས་བྱེད་གསུང་གི་སྒོ་ནས་ནི།། བཀྲི་བའི་དོན་ལ་དགོངས་ནས་ནི།། ཚིག་དང་ཡི་གེར་བསྡེབས་ཏེ་བཤད།། དེ་ཡང་ཅི་ལྟར་བཤད་ཅེ་ན།། ཁྱུང་ཆེན་ནམ་མཁར་ལྡིང་བའི་བློས།། དོན་གྱི་སྤྱི
316a5 ཁོག་ཕུབ་སྟེ་བཤད།། སྟག་མོའི་མཆོད་སྟབས་ལྟ་བུའི་བློས།། དོན་གྱི་ས་བཅད་བྱས་ཏེ་བཤད་དྲི་མེད་གྱིས།། རུས་སྦལ་ནུར་འགྲོས་ལྟ་བུའི་བློས།། ཡི་གེའི་འབྲུ་ནི་ཆོམས་པར་བཤད།། ནམ་མཁའ་ཀློང་ཡངས་ལྟ་བུའི
316a6 བློས།། བྱང་ཆུབ་སེམས་ཀྱི་ཆོས་ཉིད་དེ།། བརྡལ་ཁྱབ་ཆེན་པོའི་ངོ་བོར་བཤད།། རྒྱ་མཚོ་གཏིང་ཟབ་ལྟ་བུའི་བློས།། བྱང་ཆུབ་སེམས་ཀྱི་ཆོས་ཉིད་དེ།། ཟབ་ཅིང་གཏིང་དཔག་དཀའ་བར་བཤད།། སེང་གེའི་གདངས
iiif viewer powered by OpenSeadragon
