| e-texts navigator |
| Wylie |
315b1 ཆེན་པོ་ཉོན་ཅིག། ལོ་རྒྱུས་དོན་གྱིས་མ་བཤད་ན།། ཡིད་མི་ཆེས་པའི་སྐྱོན་དུ་འགྱུར།། རྩ་བའི་དོན་གྱིས་མ་བཤད་ན།། ཆོས་རྣམས་སེམས་སུ་མི་འདུ་བས།། མཐའ་ཡས་པ་ཡི་སྐྱོན་དུ་འགྱུར།། ཡོ་གའི་དོན་གྱིས་མ
315b2 བཤད་ན།། ཐེག་པའི་ཤན་ཐང་མི་ཕྱེད་པས།། ཁྱད་མི་ཕྱེད་པའི་སྐྱོན་དུ་འགྱུར།། དགོས་ཆེད་དོན་གྱིས་མ་བཤད་ན།། རྩོལ་བསྒྲུབ་བྱ་བཙལ་མ་བྱས་པར།། སངས་རྒྱས་ས་ལ་དོན་མེད་འགྱུར།། ཚིག་གི་དོན་གྱིས་མ
315b3 བཤད་ན།། ཚིག་དང་དོན་དུ་མི་བསྡེབ་པས།། འབྲུ་མི་ཆོམ་པའི་སྐྱོན་དུ་འགྱུར།། དེ་བཟློག་བཤད་པའི་ཡོན་ཏན་ཡིན།། ཞེས་གསུངས་སོ།། ཡང་ཞུས་པ། ཀྱེ་ཀྱེ་གསང་བའི་བདག་པོ་ལགས།། ལོ་རྒྱུས་དོན་གྱིས་ཅི
315b4 ལྟར་བཤད།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། སེམས་དཔའ་ཆེན་པོ་ཉོན་ཅིག། ལོ་རྒྱུས་དོན་གྱིས་བཤད་པ་ལ།། ཆོས་ཀྱི་སྐུ་ཡི་བཤད་ལུགས་ནི།། ངེས་པའི་དོན་ལ
315b5 དགོངས་ནས་སུ།། མི་རྟོག་ཐུགས་ཀྱི་སྒོ་ནས་ནི།། བྱིན་གྱི་རླབས་ཀྱིས་བཤད་པ་ཡིན།། དེ་ཡང་ཅི་ལྟར་བཤད་ཅེ་ན།། ཀུན་ཏུ་བཟང་པོས་ཆོས་ཀྱི་དབྱིངས་ནས་བཤད། རྡོ་རྗེ་སེམས་དཔས་ནམ་མཁའི་དཀྱིལ་ནས
315b6 མཉན།། རྡོ་རྗེ་སེམས་དཔས་ནམ་མཁའི་དཀྱིལ་ནས་བཤད།། དགའ་རབ་རྡོ་རྗེས་རི་རབ་རྩེ་ནས་མཉན།། དགའ་རབ་རྡོ་རྗེས་རི་རབ་རྩེ་ནས་བཤད།། འཇམ་དཔལ་བཤེས་གཉེན་རི་རབ་སྐེད་ནས་མཉན།། འཇམ
iiif viewer powered by OpenSeadragon
