| e-texts navigator |
| Wylie |
315a1 མཚོན་ཏེ་བསྟན།། བརྗོད་མེད་པ་ཡི་ཆོས་ཉིད་དེ།། བརྗོད་མེད་ཚིག་གིས་མཚོན་ཏེ་བསྟན།། དམིགས་སུ་མེད་པའི་ཆོས་ཉིད་དེ།། དམིགས་མེད་ཚིག་གིས་མཚོན་ཏེ་བསྟན།། ནམ་མཁའ་ལྟ་བུའི་ཆོས
315a2 ཉིད་དེ།། ནམ་མཁའི་དཔེ་ཡིས་མཚོན་ཏེ་བསྟན།། ཞེས་གསུངས་སོ།། བང་མཛོད་འཕྲུལ་གྱི་ལྡེ་མིག་ལས། གླེང་གཞི་དང་གླེང་བསླང་བའི་ལེའུ་སྟེ་དང་པོའོ།། །། དེ་ནས་སེམས་དཔའ་རྡོ་རྗེས་འདི་སྐད་ཅེས་གསོལ
315a3 ཏོ།། ཀྱེ་ཀྱེ་གསང་བའི་བདག་པོ་ལགས།། ཆོས་ཉིད་རང་གི་ངོ་བོ་དེ།། མ་བཤད་གོ་བར་མི་འགྱུར་ཏེ།། དེ་ཡི་བཤད་ལུགས་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས
315a4 གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། མན་ངག་དོན་གྱི་བཤད་ལུགས་ནི།། དོན་གྱི་བཤད་ལུགས་ལྔ་ཡིས་བཤད།། ལོ་རྒྱུས་དོན་གྱིས་བཤད་ལུགས་དང་།། རྩ་བའི་དོན་གྱིས་བཤད་ལུགས་དང་།། ཡོ
315a5 གའི་དོན་གྱིས་བཤད་ལུགས་དང་།། དགོས་ཆེད་དོན་གྱིས་བཤད་ལུགས་དང་།། ཚིག་གི་དོན་དང་ལྔ་ཡིས་བཤད།། ཅེས་གསུངས་སོ།། ཡང་ཞུས་པ། ཀྱེ་ཀྱེ་གསང་བའི་བདག་པོ་ལགས།། གཏན་ཚིགས་དོན་གྱི
315a6 བཤད་ལུགས་ལྔས།། མ་བཤད་སྐྱོན་ནི་ཅི་ལྟར་ལགས།། བཤད་པའི་ཡོན་ཏན་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། ཞེས་ཞུས་སོ།། གསང་བའི་བདག་པོས་གསུངས་པ།། ཀྱེ་སེམས་དཔའ
iiif viewer powered by OpenSeadragon
