| e-texts navigator |
| Wylie |
314b1 སེམས་ཀྱིས་ལུས་བཏུད་དེ། དགའ་བའི་མདངས་ཕྱུང་ནས། བཅོམ་ལྡན་འདས་ཀྱི་དྲུང་དུ་ཅང་མི་སྨྲ་བར་འཁོད་དོ།། གསང་བའི་བདག་པོས་འཁོད་པ་མཁྱེན་ནས། ཀྱེ་སེམས་དཔའ་ཆེན་པོ་ཉོན་ཅིག། ཁྱོད་ལ་སོགས
314b2 པའི་འཁོར་རྣམས་ཀྱིས།། དད་པའི་སེམས་ཀྱིས་ལུས་བཏུད་དེ།། དགའ་བའི་མདངས་ཀྱིས་འཁོད་པ་དེ།། འདོད་པའི་དོན་ནི་སྒོ་སོལ་ཅིག། ཅེས་གསུངས་སོ།། དེ་ནས་སེམས་དཔའ་རྡོ་རྗེ་འཁོར་གྱི་ནང་ནས་ལངས
314b3 ནས། གསང་བའི་བདག་པོ་ལ་འདི་སྐད་ཅེས་གསོལ་ཏོ།། ཀྱེ་ཀྱེ་གསང་བའི་བདག་པོ་ལགས།། ཆོས་ཉིད་བྱང་ཆུབ་སེམས་ཀྱི་དོན།། བདག་ཅག་རྣམས་ལ་བསྟན་དུ་གསོལ།། ཞེས་གསོལ་ཏོ།། གསང་བའི་བདག
314b4 པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཆོས་ཉིད་དོན་གྱི་ངོ་བོ་དེ།། ཚིག་དང་ཡི་གེ་ལས་འདས་ཤིང་།། བརྗོད་པས་ཐོག་ཏུ་མི་ཕེབ་སྟེ།། རང་གི་ངོ་བོ་བརྗོད་མེད་ཀྱང་།། མཐུན་པའི་ཚིག་གིས་མ
314b5 མཚོན་ན།། དོན་གྱི་ངོ་བོ་རྟོགས་མི་འགྱུར།། ཆོས་རྣམས་ཐམས་ཅད་བརྡར་བསྟན་གྱིས།། ཡིད་ཀྱི་དབང་པོ་རྣ་བར་ཆུག། རྣ་བའི་དབང་པོས་སྒྲ་ལ་ཉོན།། དཔེར་ན་མེ་ཉིད་འདོད་པས་ཀྱང་།། མེ་འདོད་ཚིག་ཏུ་མ
314b6 བརྗོད་ན།། མེ་དང་འཕྲད་པ་ཤིན་ཏུ་དཀའ།། མེ་འདོད་ཚིག་ཏུ་བརྗོད་པས་ན།། མེ་དང་འཕྲད་པར་ཐེ་ཚོམ་མེད།། དེ་བཞིན་ཆོས་ཉིད་རྟོགས་འདོད་པས།། རང་བཞིན་མེད་པའི་ཆོས་ཉིད་ལ།། རང་བཞིན་མེད་པས
iiif viewer powered by OpenSeadragon
