| e-texts navigator |
| Wylie |
314a1 བཀྲ་ཤིས་མི་འགྱུར་བར་གསལ་བར་གནས་པའི་རྒྱུད་ལས། བསྟན་པ་གཏད་ཅིང་རྗེས་སུ་བསྟོད་པའི་ལེའུ་སྟེ་བཅུ་པའོ།། །། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་འགྱུར
314a2 བར་གསལ་བར་གནས་པའི་རྒྱུད་ཅེས་བྱ་བ་རྫོགས་སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་། སྒྲ་བསྐུར་གྱི་ལོ་ཙ་བ་ཆེན་པོ་གཡུ་སྒྲ་སྙིང་པོས་བསྒྱུར་བའི་འགྲེལ་པ་དང་བཅས་པར་བཤད་པའོ།། བར
314a3 འདིར་ཐིག་ལེ་རྒྱ་མཚོར་གནས་པ་འཇུག་པའི་རྨད་དང་།། བང་མཛོད་འཕྲུལ་གྱི་ལྡེ་མིག་ལེའུ་མེད་པ་འཇུད། @#།། རྒྱ་གར་སྐད་དུ། བོ་དྷི་ཙིཏྟ་ཨུ་པ་དེ་ཤ་རཏྣ་མ་ལཱ། ཕེ་ཊ་ཀ་ཀོ་ཥ་ཀུཉྩི་ཀ་ནཱ་མ། བོད་སྐད་དུ། བྱང་ཆུབ
314a4 སེམས་ཀྱི་མན་ངག་རིན་པོ་ཆེའི་ཕྲེང་བ་བང་མཛོད་འཕྲུལ་གྱི་ལྡེ་མིག་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། འོག་མིན་གྱི་གནས།
314a5 ཆོས་ཀྱི་དབྱིངས་ཀྱི་ཕོ་བྲང་། མཁའ་ཀློང་ཡངས་པའི་གནས། རྒྱ་ཡོངས་སུ་མ་ཆད་པ་ན། བཅོམ་ལྡན་འདས་གསང་བའི་བདག་པོ་དེས། འཁོར་སངས་རྒྱས་དང་སེམས་ཅན་ཡི་དྭགས་དང་། འདྲེ་སྲིན་ལ་སོགས་པ
314a6 འབྱེད་པ་མེད་པའི་འཁོར་གྱིས་བསྐོར་ཏེ། བྱང་ཆུབ་ཀྱི་སེམས་རྣམ་པར་འགྲེལ་ཅིང་། དུས་གསུམ་དུ་ཅི་བཞིན་པར་བཞུགས་སོ།། དེ་ནས་སེམས་དཔའ་རྡོ་རྗེ་ལ་སོགས་པ་འདུས་པའི་འཁོར་ཚོགས་རྣམས། དང་བའི
iiif viewer powered by OpenSeadragon
