| e-texts navigator |
| Wylie |
313b1 ཡེ་ཤེས་ཚུལ་རྒྱུན་འབྲེལ།། དོན་འདི་ཀུན་ཏུ་སྣང་བྱེད་ལ།། ཐབས་དང་ཤེས་རབ་གཉིས་མེད་པའི།། གསང་བ་རྒྱ་མཚོ་ཀུན་གྱི་གནས།། དེ་དག་དགའ་དང་དང་བའི་ཤུགས།། ཡང་དང་ཡང་དུ་ཕྱག་འཚལ
313b2 འདུད།། མཆོད་པ་རྒྱ་ཆེན་རྣམ་བཀོད་པ།། མ་ལུས་མཉེས་པ་ཆེན་པོར་སྦྱོར།། དམ་ཚིག་ཆེན་པོ་གསང་སྔགས་ཆེ།། གསང་བའི་སྒོ་ཀུན་གཡོ་བའི་ཚུལ།། རྒྱལ་བའི་བཀའ་གཞན་གཟུང་བྱེད་ཅིང་།། དམ་པའི་ཡི་གེ
313b3 རྣམ་གསུམ་བསྲེལ།། རྒྱལ་བ་ཐམས་ཅད་མཁྱེན་པའི་གཙོ།། བཀྲ་ཤིས་ཡི་གེ་བཟང་པོའི་གནས།། དོན་ཀུན་ཕྱག་རྒྱའི་ཚིགས་བཅས་སྟོན།། རྣམ་གྲོལ་ཡེ་ཤེས་འགྱུར་བ་མེད།། ཐབས་མཆོག་རིགས་ཀུན་གྲངས་མེད
313b4 བཞིན།། བྱང་ཆུབ་སེམས་ཉིད་བསྟོད་པའི་གནས།། རྟག་ཏུ་རང་གི་གནས་ལོངས་སྤྱོད།། སྤྲུལ་པ་གྲངས་མེད་ཀུན་གཟུགས་མཆོག། ཐོག་མའི་སངས་རྒྱས་ཀུན་ཏུ་བཟང་།། ཁྱོད་ཀྱི་མཚན་ཉིད་མཚོན་པར
313b5 དཀའ།། རྟོགས་པས་ཐམས་ཅད་གྲོལ་བའི་འབྲས།། རྡོ་རྗེ་ནམ་མཁའི་མཚན་ཉིད་ཅན།། བསྟོད་པ་ཀུན་ཏུ་ཞི་བའི་ཕྱིར།། བདེ་གཤེགས་ཡོན་ཏན་བསྔགས་པའི་མཆོག། དོན་རབ་འབྱེད་པའི་གསལ་བ་ཡིས།། རང
313b6 བཞིན་དཀྱིལ་འཁོར་སྟོན་པར་བྱེད།། ཚོགས་བྲལ་རྡོ་རྗེ་གསང་བའི་སྔགས།། ནམ་མཁའི་མཐའ་བཞིན་བརྗོད་པའི་ཚུལ།། མཚན་རབ་དཔག་པར་དཀའ་བའི་མཆོག། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས།།
iiif viewer powered by OpenSeadragon
