| e-texts navigator |
| Wylie |
313a1 གནས།། དུས་བཞིན་འབྱུང་བ་མི་འདོར་བས།། གསལ་བའི་ཡོན་ཏན་མ་འགགས་པའོ།། དུབ་པ་དབུགས་འབྱིན་མཁའ་བསྐྱོད་བརྩོན།། གྲོལ་བྱེད་དོན་བཞིན་འཕགས་པ་ཡི།། ལས་ཀུན་ཕུན་སུམ
313a2 ཚོགས་པའི་གཞི།། འབྲས་བུ་བྱ་བ་སྤངས་པའི་ཆོས།། དེ་དག་ཁྱད་པར་མཚན་ཉིད་ཀྱིས།། གསང་བ་བླ་ན་མེད་པའི་རྒྱུད།། དུས་གཞན་རྣལ་འབྱོར་རྣལ་འབྱོར་ཆེ།། ཐམས་ཅད་གསང་སྔགས་ཐེག་པའི་དོན།། དེ་ཉིད
313a3 སྙིང་པོ་བྱང་ཆུབ་སེམས།། བདག་གཞན་ངོ་བོ་ལས་སྐྱེས་པ།། གཅིག་ལས་དུ་མར་འཆར་བ་དང་།། དུ་མ་གཅིག་ཏུ་སྣང་བའི་དངོས།། ཉི་མ་མར་མེའི་ཆོས་བཞིན་དུ།། གཞི་རྩ་མེད་དེ་ཀུན་གསལ་བའོ།། དེའི
313a4 ཕྱིར་ཐམས་ཅད་འབྲས་བུའི་ཆོས།། ཡེ་ཤེས་ཡང་དག་རྣམ་པར་རྒྱལ།། དོན་ཀུན་འབྱུང་བའི་དཀྱིལ་འཁོར་ཆེ།། མ་བཙལ་ལྷུན་གྱིས་རྒྱུད་ཚོགས་སྟོན།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི
313a5 འགྱུར་བར་གསལ་བར་གནས་པའི་རྒྱུད་ལས། ཆོས་ཐམས་ཅད་སྒྲུབ་པར་བྱེད་པའི་ལེའུ་སྟེ་དགུ་པའོ།། །། དེ་ནས་རིགས་མཆོག་སངས་རྒྱས་ཀྱིས།། བསྟན་པའི་རྒྱུད་ནི་གསལ་བའི་ཚེ།། ཇི་སྙེད་འདུས་པ་རྣམ
313a6 གྲོལ་ཆོས།། བྱིན་རླབས་སྣང་ཆེར་འཕགས་པ་ཡིས།། རང་གི་ངོ་བོས་དོན་སྟོན་པ།། ཐམས་ཅད་ཉི་ཟླའི་དཀྱིལ་འཁོར་བཞིན།། མ་ལུས་རྒྱུན་ཆེད་ཀུན་འདུས་པ།། སེམས་དཔའ་ཆེན་པོ་ཁྱོད་ཀྱིས་ཟུང་།། གཉིས་མེད
iiif viewer powered by OpenSeadragon
