| e-texts navigator |
| Wylie |
312b1 དོ།། དེ་དག་དགོངས་པའི་དོན་བཞིན་དུ།། བྱིན་རླབས་ཐུགས་ཀྱི་གསང་བ་མཆོག། རང་བཞིན་གནས་ཀྱི་ཕྱག་རྒྱ་ཆེ།། དོན་མཆོག་གསང་བའི་སྤྱོད་ཡུལ་ཉིད།། སྣ་ཚོགས་སྤྲོས་ཚིག་མ་བཤད་ཀྱང་།། ཆོས་ཀུན་དེ
312b2 བཞིན་ཉིད་ཀྱི་ངང་།། རྣལ་འབྱོར་བློ་མཆོག་འཇུག་དོན་དུ།། ཡི་གེ་བརྡ་དོན་རྣམ་པ་གསུམ།། ཡེ་ནས་གནས་པ་དེ་བཞིན་ཉིད།། རྣམ་པར་འཇུག་པའི་དེ་བཞིན་ཉིད།། རང་བཞིན་གསལ་བའི་དེ་བཞིན་ཉིད།། གཅིག
312b3 གི་གཅིག་དོན་གསལ་བར་བྱེད།། ངོ་མཚར་དོན་ཀུན་རྨད་བྱུང་བའི།། མི་ཚོགས་རྒྱ་མཚོའི་གནས་བགྲོད་པ།། དགོངས་པའི་དངོས་འཇུག་ཐམས་ཅད་བདག། ཐུན་མོང་ཁྱད་པར་སྣ་ཚོགས་པའི།། བཅོམ་ལྡན་ཡོན
312b4 ཏན་བསྔགས་པའི་གནས།། བྱང་ཆུབ་སེམས་དབྱིངས་ཀུན་གྱི་གཞི།། ཁམས་གསུམ་ཆོས་ཀྱི་རྒྱལ་པོ་སྤྱོད།། སྐལ་ལྡན་འདབ་ཆགས་ཁུ་བྱུག་མཆོག། རིག་བྱེད་སྣང་བའི་རྒྱན་དུ་སྟོན་པ་ནི།། རྫོགས་པ་ཆེན་པོའི་ཆོས
312b5 ཉིད་ལས།། བྱང་ཆུབ་སེམས་དཔའི་བཅུད་རྫོགས་པས།། བཀྲ་ཤིས་མི་འགྱུར་གསལ་བར་གནས།། དཔེ་ཡིས་དགོངས་དོན་གསལ་བྱེད་ཅིང་།། དེས་ནི་སངས་རྒྱས་རྣམ་པར་འབྱེད།། རྒྱ་མཚོའི་ཁམས་ལས་ཀུན་གྱི
312b6 རྗེ།། རང་བཞིན་དབྱེར་མེད་གནས་པའི་ཆོས།། རིགས་གཙང་གདངས་སྙན་སྐྱོན་མེད་པའི།། ཆ་ཤས་སྤྲོས་བྲལ་དམིགས་པའི་ཐབས།། ལྷུན་གྲུབ་རིགས་མཚུངས་མི་འགྱུར་བའི།། རྩེ་གཅིག་བསྟན་པས་འཇུག་བྱེད
iiif viewer powered by OpenSeadragon
