| e-texts navigator |
| Wylie |
312a1 མཆོག། ལོངས་སྤྱོད་ཐམས་ཅད་རྫོགས་པའི་རྒྱལ།། སྤྲུལ་པས་གནས་ཀུན་གསལ་བྱས་པའི།། ཐམས་ཅད་མཁྱེན་པའི་ལས་ཀུན་སྟོན།། རིགས་རྣམས་གཉིས་སུ་མེད་པར་སྒྲོལ།། ནམ་མཁའི་དཀྱིལ
312a2 འཁོར་འོད་གསལ་བའི།། སྒོ་རྣམས་རྒྱས་པའི་ཏིང་ངེ་འཛིན།། དབང་བཅུ་བསྙེལ་བ་མི་མངའི་ཆོས།། མ་འདྲེས་སྟོབས་བཅུ་མི་འཇིགས་བཞི།། ཡེ་ཤེས་གསལ་བའི་དཀྱིལ་འཁོར་ཚོགས།། བྱ་བ་ཆེན་པོའི་དོན་སྤྱོད
312a3 པའོ།། བྱ་མེད་རྩོལ་བ་ལས་འདས་པའི།། སངས་རྒྱས་ཀུན་གྱི་ཐེག་པའི་མཆོག། རྣལ་འབྱོར་དབང་ཕྱུག་དགོངས་པའི་དོན།། སྣ་ཚོགས་རང་བཞིན་མི་གཉིས་ཀྱང་།། ཆ་ཤས་ཉིད་དུ་སྤྲོས་དང་བྲལ།། ཇི་བཞིན་པ
312a4 ཞེས་མི་རྟོག་པས།། རྣམ་པར་སྣང་མཛད་ཀུན་ཏུ་བཟང་།། ཟིན་པས་རྩོལ་བའི་ནད་སྤངས་ཏེ།། ལྷུན་གྱིས་གནས་པས་བཞག་པ་ཡིན།། ཞེས་གསུངས་སོ།། རྫོགས་པ་ཆེན་པོ་བྱང་ཆུབ་ཀྱི་སེམས་བཀྲ་ཤིས་མི
312a5 འགྱུར་བར་གསལ་བར་གནས་པའི་རྒྱུད་ལས། ཆོས་ཐམས་ཅད་དེ་ཁོ་ན་ཉིད་སྟོན་པའི་ལེའུ་སྟེ་བརྒྱད་པའོ།། །། དེ་ནས་སངས་རྒྱས་ཐམས་ཅད་ཀྱིས།། དགའ་མགུ་དང་བས་མཆོད་བྱས་ནས།། ཕྱག་འཚལ་རྩེ
312a6 གཅིག་སྟོན་པ་མཆོག། ཀུན་བཟང་ལྷ་ལ་གསོལ་བ་འདེབས།། ཨེ་མ་ཧོ་དོན་ཆེན་གསང་བའི་རྒྱུད།། ཐམས་ཅད་ཡུལ་མིན་རྟོགས་དཀའ་བ།། བསྡུ་བ་གཏན་ལ་དབབ་པའི་ཚུལ།། དཔེ་བཅས་ཆོས་འབྱུང་ཚུལ་ཉིད
iiif viewer powered by OpenSeadragon
