| e-texts navigator |
| Wylie |
30a1 སེམས་ཅན་ལ།། ང་ཡི་རང་བཞིན་ཐུགས་རྗེས་བསྟན་གྱུར་ན།། སྟོན་པ་གསུམ་གྱིས་བསྟན་པའི་གནས་མེད་འགྱུར།། སྟོན་པ་གསུམ་གྱི་བསྟན་པའི་གནས་མེད་ན།། ཀུན་བྱེད་ང་ཡིས་བྱས་པའི་ཆོས
30a2 མས་ལ།། ཕུན་སུམ་ཚོགས་པ་ཞེས་སུ་སུ་ཞིག་འདོགས།། དེས་ན་ཀུན་བྱེད་རྒྱལ་པོ་ང་ཡིས་ནི།། ང་ཡི་རང་བཞིན་ང་ཡིས་ཕྱུང་ནས་ནི།། ང་ལ་ང་ཡི་རང་བཞིན་ང་ཡིས་བསྟན།། ང་ལས་བྱུང་བའི་སྟོན་པ་འཁོར་རྣམས
30a3 ལ།། བསྟན་པའི་ལུང་ནི་ཀུན་བྱེད་ངས་མ་ཕོག། ཤིན་ཏུ་རྣལ་འབྱོར་ཀུན་བྱེད་ང་ཡིན་པས།། དེ་ལ་ཀུན་བྱེད་རང་བཞིན་བསྟན་པར་བྱ།། ཞེས་གསུངས་སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་སྐལ་མེད་ལ
30a4 གསང་བའི་ལེའུ་སྟེ་བཅུ་བཞི་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ཀྱི་ལུང་ཆེན་པོ་མངོན་དུ་ཕྱུང་བའི་ལུང་འདི་བསྟན་ཏོ།། ཀྱེ་སེམས་དཔའ་ཆེན་པོ་ཉོན་ཅིག། ཀུན་བྱེད་རྒྱལ་པོ
30a5 ང་ཡིས་ནི།། མངོན་དུ་ཕྱུང་བ་གསུམ་བསྟན་ཏེ།། ང་ཡི་རང་བཞིན་རྣམ་གསུམ་ངས་བསྟན་པ།། དོན་རྣམས་སྟོན་པའི་སྟོན་པ་དང་།། དོན་རིག་འདོད་པའི་འཁོར་རྣམས་དང་།། མ་ནོར་ངེས་པའི་དོན་དང
30a6 གསུམ།། ཀུན་བྱེད་ང་ཡིས་མངོན་དུ་ཕྱུང་།། དོན་སྟོན་མངོན་དུ་ཕྱུང་བ་ནི།། ཆོས་ཀྱི་སྐུ་དང་ལོངས་སྤྱོད་རྫོགས།། སྤྲུལ་པའི་སྐུ་དང་རྣམ་ལ་གསུམ།། འཁོར་གྱི་དང་པོ་སྟོན་པ་སྐུ་གསུམ་སྟེ།། དོན་སྟོན་པ་ཡི་སྟོན་པ
iiif viewer powered by OpenSeadragon
