| e-texts navigator |
| Wylie |
308b1 གྲུབ།། ཕྱོགས་བཅུའི་སངས་རྒྱས་ཀུན་འདུས་པས།། སོ་སོར་དཔལ་གྱི་ཕྱོགས་བསྐྱེད་ཅིང་།། སྨོན་ལམ་ཡོངས་སུ་དག་པ་ལས།། ཞིང་ཁམས་དག་པའི་སྣང་བ་གནས།། ཐུགས་རྗེ་ཆེན་པོ་མི་གཉིས་པས།། ཐམས
308b2 ཅད་ཐམས་ཅད་རྣམ་པར་སྦྱོར།། བྱང་ཆུབ་སེམས་དཔའ་མཐུ་ལྡན་པའི།། ཟབ་མོ་རྒྱ་ཆེན་གནས་པའི་དོན།། གསང་བ་གསང་ཆེན་གསང་བའི་མཆོག། ཐམས་ཅད་རྒྱུན་ཆེན་སྟོན་བྱེད་པའོ།། རྣམ་པར་ཐར་པ་དེ
308b3 འཛིན་པའི།། རྣམ་པར་འཇིགས་པ་ཀུན་གྲོལ་ཞིང་།། རང་གི་སྣང་བ་སྟོན་བྱེད་ཅིང་།། རྣལ་འབྱོར་མཆོག་ཏུ་སངས་རྒྱས་གསལ།། བདེ་གཤེགས་ཐུགས་ཀྱི་གནས་བརྒྱུད་པ།། བརྩོན་ལྡན་རྣལ་འབྱོར་དབང་ཕྱུག
308b4 གིས།། སྙན་ཚུལ་གླེགས་བཅས་གདམས་པའི་དོན།། དུས་རིང་བྱང་ཆུབ་སེམས་དཔའ་སྤྱོད།། ཐེག་པའི་མཆོག་འདི་ཟབ་མོ་ཉིད།། ཡུལ་ཀུན་སྐྱེ་ཞིང་འགག་མེད་རྒྱུན།། དེ་དག་དེ་ལས་དེ་འབྲས་བུ།། གང་ཞིག་གང
308b5 གིས་གང་བདེན་འཇུག། ང་ལས་མ་བྱུང་ཆོས་མེད་ཕྱིར།། ཀུན་འབྱུང་རྒྱུ་ཡི་ཡེ་ཤེས་དངོས།། ཕྱོགས་ཆོས་རིས་སུ་མ་གྲུབ་པའི།། བདེ་བ་བྱང་ཆུབ་སེམས་ཀྱི་རྒྱན།། རྒྱ་ཆེན་སྣང་བའི་བྱེ་བྲག་ཀུན།། དེར་སྣང་དེར
308b6 འཇུག་དེ་ཡི་ཆོས།། ཇི་སྲིད་ཐོག་མཐའི་བར་གནས་ཚོགས།། ཉིད་ལས་འཕྲུལ་པའི་དཀྱིལ་འཁོར་ཆེ།། སྨིག་སྒྲ་སྣང་བའི་དུས་བཞིན་དུ།། མ་བཅོས་གདོད་ནས་དངོས་མ་གྲུབ།། ཟླ་བའི་གཟུགས་ཀྱིས་ཁྱབ་པའི
iiif viewer powered by OpenSeadragon
