| e-texts navigator |
| Wylie |
306b1 རྒྱས་མཉེས་བྱས་པས།། རིན་ཆེན་འཁོར་ལོའི་མཚན་མངའ་བ།། ཡང་དག་སངས་རྒྱས་སྤྲུལ་པའི་ཚོགས།། རྒྱལ་བ་ཀུན་གྱི་གསང་བའི་མཛོད།། དག་པའི་འཁོར་ལ་སྟོན་པར་བྱེད།། ཤེས་རབ་ཐུགས་རྗེ་ཉི་ཟླའི
306b2 འོད།། སྲིད་གསུམ་རང་རྒྱུད་རྣམ་དག་ཆོས།། ངོ་བོ་ཉིད་ཀྱི་དོན་སྟོན་པ།། ཐེག་པ་ཆེན་པོ་གསང་བའི་རྒྱུད།། དུས་དེར་བསྟན་པའི་གླེགས་བམ་ལས།། སྣོད་ལྡན་རྣམས་ཀྱིས་དོན་འབྱུང་འགྱུར།། བྱང་ཆུབ་སེམས
306b3 དཔའ་མཁའ་ཁྱབ་པས།། དེ་དག་བསྡུ་ཞིང་གཟུང་བྱེད་དེ།། དུས་ཀུན་བཀོད་པའི་མཆོད་པ་དང་།། སྲི་ཞུས་གུས་པར་རབ་ཏུ་སྟོན།། མི་མཆོག་སངས་རྒྱས་སྤྲུལ་པའི་སྐུ།། བྱ་བ་ཐམས་ཅད་མཐར་ཕྱིན་པའོ།། བསྐལ
306b4 པ་བཅུ་ལས་འདས་པའི་འོག། སྤྲུལ་པ་ཀུན་འབྱུང་ཕྱོགས་རྣམས་སུ།། གསལ་བ་ཉེར་དགའ་རྒྱལ་པོའི་ཁབ།། རོལ་མོ་ཐམས་ཅད་ཚོགས་པའི་དུས།། སྔོན་ལྡན་སྙིང་པོ་རྒྱལ་བའི་སྲས།། བདེ་གཤེགས་གྲོང་ཁྱེར་ཞི་བ
306b5 ལ།། སེམས་བསྐྱེད་ཚོགས་མང་བསགས་པའི་མཐུས།། རང་བྱུང་སེམས་ཀྱིས་བདེ་བ་རྟོགས།། རིན་ཆེན་བཙུན་མོ་ལ་སོགས་སྟོབས།། ཚོགས་བཅས་དཀའ་ཐུབ་ཆེན་པོས་གནས།། དེ་ཚེ་མཁའ་ལས་རྒྱུད་ཀྱི
306b6 དོན།། རྒྱལ་བའི་བྱིན་རླབས་སྟོན་པར་འགྱུར།། ཐམས་ཅད་བདེ་ཆེན་དང་ལས་བྱུང་།། ཡེ་ཤེས་འདི་ཉིད་ཟག་པ་མེད།། ཀུན་འབྱུང་གནས་ཀྱི་རྒྱ་མཚོ་ལས།། འབྲས་བུ་དོན་ཀུན་རྣམ་པར་མཛེས།། དེ་ཉིད་འོད་དཔལ
iiif viewer powered by OpenSeadragon
