| e-texts navigator |
| Wylie |
305b1 སྟོབས།། ཐམས་ཅད་ནང་གི་སྣང་བའི་ཚོགས།། རྒྱུ་ཉིད་ཟབ་མོའི་བྱང་ཆུབ་སེམས།། དེ་དག་ལ་བརྟེན་འགྲོ་ཀུན་དང་།། སྤྱོད་ཡུལ་ཡེ་ཤེས་ཆེན་པོའི་རྒྱ།། རང་བཞིན་ཀུན་ཏུ་བཟང་མོའི་མཁའ།། རང་གི་ཆོ་འཕྲུལ་སྣ
305b2 ཚོགས་འཆར།། ཀུན་བཟང་བཀོད་པ་རོལ་པའི་ཆོས།། རྒྱུ་རྐྱེན་དོན་བཞིན་རྣམ་དག་པས།། གཉིས་མེད་འབྲས་བུ་བདག་ཉིད་ཆེ།། འདས་དུས་ལ་སོགས་འགྱུར་བ་མེད།། ཐམས་ཅད་མི་ཚིག་རྟག་པའི་ཆོས།། དེ
305b3 དག་ཐ་སྙད་ལས་འདས་ཏེ།། ལུས་རྟོགས་ཕྱི་རོལ་དོན་གྱི་རྒྱུན།། ཕྱོགས་ཆས་སྣང་བ་རིས་མ་གྲུབ།། རྟོགས་དུས་བརྟགས་པ་རི་བོའི་མཆོག། ཉི་མའི་དཀྱིལ་འཁོར་ཟེར་དང་བཅས།། བར་སྣང་གསལ་བར་ཁྱབ་པ
305b4 ཡིས།། ཆོས་ཀུན་བདེ་བ་ཆེན་པོའི་དབྱིངས།། སྙིང་པོ་མཆོག་གི་མཆོག་གྱུར་པའི།། ཡེ་ཤེས་འཇིག་པ་མེད་པའི་དོན།། རབ་ཏུ་མི་གནས་སངས་རྒྱས་ཀུན།། སྒྱུ་མ་ལྟ་བུར་ཚོགས་པའོ།། མི་ཤིགས་སྣང་བའི་འབྲས་བུ
305b5 ཀུན།། རྣམ་གྲོལ་ཡེ་ཤེས་ཟག་པ་མེད།། དེ་དག་སྐྱེ་འཆི་རྒྱུན་འབྱུང་བའི།། གློ་བུར་ཆོས་ལ་དབེན་པའི་དོན།། རང་བྱུང་རྒྱན་གྱི་འཁོར་ལོ་ཆེ།། མིང་ཙམ་ཐ་སྙད་གདགས་པའི་གཞི།། ཕྱོགས་བཅུའི་རྒྱལ་བ་ཀུན་གྱིས
305b6 ཀྱང་།། སྙིང་པོའི་དོན་ལས་འདའ་མ་ཡིན།། ཞེས་གསུངས་སོ།། རྫོགས་པ་ཆེན་པོ་ཆོས་ཉིད་བྱང་ཆུབ་ཀྱི་སེམས་བཀྲ་ཤིས་མི་འགྱུར་བར་གསལ་བར་གནས་པའི་རྒྱུད་ལས། ད་ལྟར་གྱི་དུས་སུ་བྱུང་བ་སྟེ་ལེའུ་དྲུག
iiif viewer powered by OpenSeadragon
