| e-texts navigator |
| Wylie |
305a1 ཡོན་ཏན་ཕྲིན་ལས་རྩལ།། ཐམས་ཅད་བྱང་ཆུབ་མཆོག་གི་དབྱིངས།། སེམས་ཉིད་བདེ་བ་ཆེན་པོའི་སྐུ།། ཆོས་ཅན་ཇི་སྙེད་མ་འགགས་པའི།། ཆོས་ཉིད་ཟབ་མོའི་དོན་སྣང་བའི།། རང་ཉིད་རྟོགས་པའི
305a2 བྱེ་བྲག་གིས།། ཆོས་དབྱིངས་མེ་ལོང་ལྟ་བུ་དང་།། མཉམ་ཉིད་སོ་སོར་ཀུན་རྟོགས་པ།། བྱ་བ་གྲུབ་པའི་ཡེ་ཤེས་སྐུ།། མི་གཉིས་སོ་སོར་གསལ་བ་ཡིས།། ཉི་ཤུ་རྩ་ལྔ་ལ་སོགས་རྒྱུན།། ཉི་མའི་དཀྱིལ་འཁོར་ཇི་ལྟ
305a3 བར།། གཉིས་མེད་གཉིས་སུ་རྣམ་པར་སྣང་།། ཤེས་བྱའི་དཀྱིལ་འཁོར་ཇི་སྙེད་ཀུན།། གསང་ཆེན་དེ་བཞིན་ཉིད་ཀྱི་དབྱིངས།། རྣམ་པ་སྤྲོས་པ་ཀུན་སྤྱོད་པའི།། ཐ་སྙད་ཡུལ་ལས་བརྟགས་པ་ཡི།། དེ་ལྟར་རང་རིག
305a4 གསལ་བ་ནི།། རང་བཞིན་མཁའ་ལ་སྣང་བའོ།། མ་བཙལ་ཡོན་ཏན་རྒྱན་སྣང་བའི།། བདེ་གཤེགས་རྒྱལ་བ་ཀུན་གྱི་དངོས།། གཅིག་དང་གཉིས་མིན་དཀྱིལ་འཁོར་ཚུལ།། སྣ་ཚོགས་རྣམ་པར་ངེས་པའོ།། གཏི་མུག
305a5 ཆེན་པོ་རྣམ་སྣང་མཛད།། འདོད་ཆགས་ཆེན་པོ་མཐའ་ཡས་སྐུ།། ཞེ་སྡང་ཆེན་པོ་མི་བསྐྱོད་པ།། ང་རྒྱལ་ཐུབ་ཆེན་རིན་འབྱུང་སྟེ།། ཕྲག་དོག་ཆེན་པོ་དོན་ཡོད་གྲུབ།། ཐམས་ཅད་རིགས་ཀྱི་དཀྱིལ་འཁོར་ཆེ།། དེ་དག
305a6 འཁོར་ལོ་པདྨ་དང་།། རྡོ་རྗེ་རིན་ཆེན་སྣ་ཚོགས་ཀྱིས།། རིགས་མཆོག་གཙོ་དང་སྤྲུལ་པར་བཅས།། ཐབས་དང་ཤེས་རབ་སྙོམས་འཇུག་པའོ།། གང་དུ་དམིགས་པར་བྱ་བའི་ཡུལ།། ཕྱི་རོལ་འབྱུང་ཆེན་མཐུ་རྩལ
iiif viewer powered by OpenSeadragon
