| e-texts navigator |
| Wylie |
303b1 རྩི་བདག་པོའི་བདག། བདུན་རྒྱུད་ཁ་ལོའི་ལས་ཀུན་སྤྱོད།། ལས་ཚོགས་འཇུག་པའི་རྒྱུ་ཡི་སྟོབས།། ཐར་པའི་གྲུ་བོ་གནས་དག་པ།། རྡོ་རྗེ་སྣང་བ་ཐབས་ཆེན་མཆོག། ཚུལ་ཀུན་མྱུར་བ་གནོན་པ་ཉིད།། འདི་དག
303b2 རང་གི་ངང་ཚུལ་བཟང་།། ཐོག་མཐའ་ཕྱོགས་རྒྱས་བདེན་པའི་དོན།། བདེ་གཤེགས་བྱང་ཆུབ་མེ་ཏོག་ཕྲེང་།། སྲས་ཀྱི་དམ་པས་འདུད་པའི་གནས།། ཞིང་ཁམས་ཆེན་པོ་ཀུན་གསལ་བ།། རྫུ་འཕྲུལ་འཇིགས་མེད
303b3 གཙོ་བོའི་ཚུལ།། དམ་ཆོས་གནས་ལ་ལེགས་བཞུགས་ཏེ།། འོད་ཟེར་སྣང་བས་ཐམས་ཅད་བསྐུལ།། སངས་རྒྱས་དཀྱིལ་འཁོར་ཚོགས་ཆེན་ཀུན།། ཏིང་འཛིན་རབ་ཏུ་ཞི་བས་གནས།། བྱང་ཆུབ་སེམས་དཔར་འདུས
303b4 པ་ཆེ།། མི་འབྱེད་རྒྱུད་ཀྱི་སྙིང་པོ་སྟོན།། དེ་ཡི་བསྟན་པས་ཀུན་ཁྱབ་པར།། ཐེག་ཆེན་གསང་སྔགས་རྒྱས་པར་མཛད།། སྦྱིན་པ་ཆེན་པོ་མངའ་མཛད་པ།། བྱང་ཆུབ་ཡན་ལག་འབྲེལ་པའི་གནས།། བསོད་ནམས་ཡེ
303b5 ཤེས་ཚོགས་ལས་སྐྱེས།། སྐུ་གསུམ་ཡེ་ཤེས་འབྱུང་བའི་ཞིང་།། གྱད་ཀྱི་ཉེ་གནས་ཀུ་ཤའི་ཞིང་།། མདངས་གསལ་ཉེ་བར་སྤྱོད་པ་ན།། ཐར་པའི་བདག་པོ་རིགས་མཆོག་སྟོབས།། རྒྱལ་རིགས་སཱ་ལའི་དབང་བྱེད
303b6 གནས།། ཡུལ་སྐྱོང་བཟང་པོ་ཕན་པའི་གཞུང་།། ཉམ་ང་སེལ་བ་གྲགས་པའི་སྟོབས།། འཁོར་ལོས་སྒྱུར་བའི་གླིང་ཀུན་དང་།། རིན་ཆེན་ཀུན་སོགས་ཉེ་བར་སྤྱོད།། སྐྱེས་བུ་ཆོས་ཀྱི་གྲོང་སྐྱོང་བའི།། གདན་ས་ཉིད་ལ
iiif viewer powered by OpenSeadragon
