| e-texts navigator |
| Wylie |
300b1 མེད་པའི་སྒོ།། བྱ་བྲལ་བྱ་བས་བགྲོད་པའི་ལམ།། རང་བཞིན་བྱང་ཆུབ་སེམས་ཀྱིས་བརྒྱན།། འབྱུང་བ་ཆེན་པོའི་གཟུགས་རྩལ་ཅན།། མི་མཉམ་མཉམ་ཉིད་སྔགས་ཀྱི་རྒྱུན།། བསྟན་པའི་དུས་མཚུངས་སྣང
300b2 བའོ།། ནུབ་ཕྱོགས་བདེ་སྒོ་འཇིག་རྟེན་དུ།། ཕྱོགས་བཞི་སྣང་བས་བདེ་གཤེགས་གནས།། རྒྱུན་འབྱུང་དྲག་དྲགས་ཀྱང་པ་སྤྱད་པའི་ཡུལ།། འོད་བྱེད་ཉི་མ་འབྲས་བུའི་ཞིང་།། པདྨའི་མཚན་མཆོག་གནས་ཀུན
300b3 མཛེས།། རྒྱལ་མཚན་བརྩེགས་པ་བདུད་དཔུང་འཇོམས།། དགུ་མཛེས་འཁོར་ལོའི་འོད་ཀྱི་ཕྲེང་།། ཀུན་འབྱུང་ཞི་བ་སྙིང་པོའི་ཆོས།། པདྨའི་རིགས་མཆོག་འཁོར་ཀུན་ཀྱང་།། དེ་བཞིན་བྱང་ཆུབ་བདེན་པའི
300b4 གནས།། ཡེ་ཤེས་སྟོབས་མཆོག་འཇིགས་པ་མེད།། ཁམས་གསུམ་ཁྱབ་པར་མཛད་པའི་ཚུལ།། གྲོང་ཁྱེར་མཆོག་ཏུ་ཡང་སངས་རྒྱས།། སྙིང་པོ་གསེར་ལྡན་དཔུང་བཞི་དག། འབར་འོད་ལྡན་པའི་ཕྱོགས་འཛིན
300b5 ལ།། མྱང་བར་རབ་ཏུ་བདུད་རྩི་ཅན།། ཁམས་རྣམས་མཛད་པར་རབ་ཏུ་བརྩོན།། རྒྱས་པར་མཛད་པའི་ཚུལ་སྟོན་པའོ།། རྒྱལ་པོ་ས་སྲུངས་ཁྲོ་བྱེད་སྡེ།། གཞི་འབྱུང་གཉེན་པོ་མིང་འབྱེད་སྐྱེས།། རབ་བརྩོན་བརྟུལ་ཞུགས
300b6 འཁོར་ལོའི་བདག། ཐེག་ཆེན་གསང་བའི་ཚུལ་འཛིན་པའོ།། སེམས་དཔའ་ཆེན་པོ་ཡེ་ཤེས་བློས།། རང་བཞིན་གསལ་བའི་རྒྱུད་འཛིན་ཅིང་།། སྤྲུལ་པའི་སྣང་བས་ཀུན་ཁྱབ་པར།། ཡུན་རིང་སྣང་བ་སྟོན་པར་བྱེད།།
iiif viewer powered by OpenSeadragon
