| e-texts navigator |
| Wylie |
300a1 བྱང་སེམས་རིགས་ཀུན་འཇོམས།། ཡུལ་བདག་རྒྱལ་པོ་དགྱེས་མཆོད་དང་།། ལག་བཟང་འགྲོས་མཛེས་ལ་མཚོའི་རྒྱལ།། བཙུན་མོ་གནས་ཀུན་ལོངས་སྤྱོད་ཅིང་།། རིན་ཆེན་ཞིང་ཁམས་རྒྱན་དང
300a2 བཅས།། ཕྱི་རོལ་གཞན་དུ་མི་འཛིན་པར།། ཐབས་མཆོག་ནང་གི་གནས་ཀུན་སྤྱོད།། བསྟན་པའི་རྒྱུད་སྡེ་དོན་ཞི་བས།། དམ་པའི་གནས་ཀུན་གསལ་བར་སྟོན།། བྱང་ཆུབ་སེམས་དཔའི་ཆོས་ཀྱི་མཆོག། ཤེས་རབ
300a3 སྙིང་རྗེ་ཆེ་མངའ་བའི།། བློ་གྲོས་རྒྱ་མཚོ་གྲངས་མེད་ཀུན།། ཕྱག་རྒྱ་གསང་སྔགས་སྟོབས་ཀྱིས་འཕགས།། རྒྱལ་པོ་གདུག་ཅན་གངས་རི་མཆོག། ཡིད་འོང་ཙནྡན་སྦྱིན་པའི་ལྷ།། སྡེར་བཅས་ཐེག་པ་ཆེན་པོའི
300a4 ལམ།། འབྲས་བུ་གསང་བའི་གནས་ལ་བཀོད།། ལྷོ་ནུབ་འོད་གསལ་ཅན་གྱི་གནས།། གྱ་ནོམ་དབང་པོའི་གྲོང་ཁྱེར་མཚོ།། འགག་པའི་འཁོར་ལོ་བྱང་ཆུབ་ཤིང་།། འོད་བཟང་དཔལ་འབྱུང་ལྷ་མོའི་གྲོང་།། དཔལ་གྱི
300a5 སེང་གེ་འཇིགས་པ་སེལ།། བདུད་དཔུང་འཇོམས་པའི་སྟོབས་མཆོག་རྒྱལ།། གཟི་བརྗིད་ཕུང་པོ་རིན་ཆེན་མཆོག། རིན་ཆེན་མཛོད་གནས་གདུང་བ་སེལ།། ཞིང་ཁམས་བཟོད་པའི་མཆོག་དག་ཏུ།། ཡོངས་སུ་དག
300a6 པའི་འཁོར་དང་བཅས་གྲགས་ཀྱང་། ཡུན་རིང་འགྲོ་བའི་དོན་ལ་དགོངས།། བསྟན་པའི་གསང་སྔགས་སྣ་ཚོགས་མཆོག། སླར་ཡང་སྤྲུལ་པ་འགྲོ་བའི་ཚུལ།། ཐེག་པའི་ལམ་ཀུན་རྣམ་པར་སྦྱོར།། གཉིས་མེད་གཉིས་སུ
iiif viewer powered by OpenSeadragon
