| e-texts navigator |
| Wylie |
29b1 བྱེད་རྒྱལ་པོ་ལས་སེམས་ཀྱི་བཤད་ལུགས་ཀྱི་ལེའུ་སྟེ་བཅུ་གསུམ་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཉིད་ཀྱི་གསང་བ་དམ་པའི་གདམས་ངག་འདི་གསུངས་སོ།། ཀྱེ་སེམས་དཔའ
29b2 ཆེན་པོ།། ཀུན་བྱེད་ང་ནི་ཀུན་ཏུ་གསང་བའོ།། ང་ལས་བྱུང་བའི་སྐུ་གསུམ་སྟོན་པ་ལ།། ང་ཡི་རང་བཞིན་རྣམ་གསུམ་མི་བསྟན་གསང་།། ང་ལ་གནས་པའི་དུས་གསུམ་སངས་རྒྱས་ལ།། ང་ཡི་རང་བཞིན་མི་བསྟན
29b3 གསང་བར་བྱ།། ང་ལ་འདུས་པའི་འཁོར་ཚོགས་ཐམས་ཅད་ལ།། ང་ཡི་རང་བཞིན་མི་བསྟན་གསང་བར་བྱ།། ང་ཡིས་བྱས་པའི་ཁམས་གསུམ་སེམས་ཅན་ལ།། ང་ཡི་རང་བཞིན་མི་བསྟན་གསང་བར་བྱ།། ང་ཡི་རང
29b4 བཞིན་མ་གསང་བསྟན་བྱས་ནས།། སྐུ་གསུམ་སྟོན་པ་ང་ལས་འབྱུང་མི་འགྱུར།། སྐུ་གསུམ་སྟོན་པ་ང་ལས་མ་བྱུང་ན།། བསྟན་གསུམ་ཐེག་གསུམ་འཁོར་གསུམ་ཚོགས་མི་འགྱུར།། བསྟན་གསུམ་ཐེག་གསུམ་འཁོར
29b5 གསུམ་མ་ཚོགས་ན།། སངས་རྒྱས་ཆོས་དང་དགེ་འདུན་དཀོན་མཆོག་གསུམ།། བླ་མེད་བྱང་ཆུབ་ཀུན་གྱི་རིག་པ་མེད།། ང་ལས་བྱུང་བའི་དུས་གསུམ་སངས་རྒྱས་ལ།། ང་ཡི་རང་བཞིན་མ་གསང་བསྟན་གྱུར་ན།། སྒྲ
29b6 གསུམ་སྟོན་གསུམ་མེད་པའི་སྐྱོན་དུ་འགྱུར།། ང་ལ་འདུས་པ་འཁོར་གྱི་ཚོགས་རྣམས་ལ།། ང་ཡི་རང་བཞིན་མ་གསང་བསྟན་གྱུར་ན།། སྟོན་གསུམ་ཐེག་པ་ཁྱད་པར་ཕྱེད་མི་འགྱུར།། ང་ཡིས་བྱས་པའི་ཁམས་གསུམ
iiif viewer powered by OpenSeadragon
